Filmi डॉ. रमन सिंह

अंतरिक्ष विज्ञान म छत्तीसगढ़ म बनही फिल्म ‘महाधूमकेतु’ : मुख्यमंत्री ह दीस शुभकामना

छत्तीसगढ़ के मुख्यमंत्री डॉ. रमन सिंह ले आज इहां ऊंखर निवास कार्यालय म पूर्व संसदीय सचिव श्री विजय बघेल के नेतृत्व म राजनांदगांव, दुर्ग अऊ भिलाई के फिल्म कलाकार मन के प्रतिनिधि मंडल ह सौजन्य मुलाकात करिस। उमन मुख्यमंत्री ल बताइस कि राजनांदगांव जिला के ग्राम सुकुल दैहान निवासी श्री अंकुश देवांगन अऊ श्री पूर्णानंद देवांगन अउ ऊंखर साथी मन कोति ले अंतरिक्ष विज्ञान उपर आधारित ‘महाधूमकेतु’ फिल्म के निर्माण छत्तीसगढ़ म करे जात हे, जऊन आठ देश मन म वो देश मन के नाम के संग एक संग रिलीज करे जाही। ए फिल्म म महाधूमकेतु उपर नियंत्रण बर भारतीय अंतरिक्ष वैज्ञानिक मन के योगदान ल फिल्माये जाही। ये फिल्म भारत-अमेरिका अऊ महाधुमकेतू, भारत-चीन अऊ महाधूमकेतु भारत-इजरायल अऊ महाधूमकेतू, भारत-नेपाल अऊ महाधूमकेतु, भारत-श्रीलंका अऊ महाधूमकेतु, भारत-पाक्स्तिान अऊ महाधूमकेतु अऊ भारत-बांगलादेश अऊ महाधूमकेतु के नाम ले वो देश मन म प्रदर्शित होही। मुख्यमंत्री ह फिल्म के ए नांव मन के विमोचन करिन। उमन फिल्म के निर्माण ले जुड़े पटकथा लेखक श्री अंकुश देवांगन अऊ बनइया श्री पूर्णानंद देवांगन संग उंखर पूरा टीम ल शुभकामना दीन। मुख्यमंत्री ह फिल्म के विषयवस्तु के घलोक तारीफ करिन। ए अवसर म श्री अंकुश देवांगन संग लोकगायिका श्रीमती रजंनी रजक संग रूआंबांधा के पार्षद अउ रंगकर्मी श्री राजेन्द्र रजक अउ आन बहुत अकन सहयोगी उपस्थित रहिन।

मुहाचाही:  मुख्यमंत्री ले नव नियुक्त जनसम्पर्क संचालक ह करिस सौजन्य मुलाकात