Success Stories Success story

अमरीका म लहराही छत्तीसगढ़ी पताका

रायपुर 19 फरवरी 2018। मुख्यमंत्री के ओएसडी उज्ज्वल दीपक के चयन विश्व के प्रतिष्टित, न्यूयॉर्क स्थित कोलंबिया यूनिवर्सिटी म एक वर्षीय मिड करियर पब्लिक एडमिनिस्ट्रेशन प्रोग्राम बर होय हे। एखर सूचना आज रातेच ओ मन ल मिलिस। पूरा संसार ले अड़बड़ कठिन प्रक्रिया के माध्यम ले सिरिफ 32 चुनिंदा मनखे मन ल ही ए प्रोग्राम बर चुने जाथे। कई मापदंड अउ महत्वपूर्ण पद मन म स्थापित अउ समाज बर संकल्पित मनखे मन ल ए प्रोग्राम म प्राथमिकता देहे जाथे। आप मन ल बता देवन के उज्ज्वल ह मुख्यमंत्री डॉ रमन सिंह के ओएसडी बने के पहिली श्री मुकेश अम्बानी के संग रिलायंस के कोर लीडरशिप टीम म काम करे रहिन अऊ देशभर के 12 युवा लीडर म सामिल उमन रिलायंस के भविष्य म रणनीति तय करइया टीम म योगदान दे रहिन।




अपन अच्छा खासा कॉर्पोरेट करियर ल छोड़ के छत्तीसगढ़ राज्य वापस आके नवाचार अउ लोक प्रशासन के क्षेत्र म उंखर समर्पण भावना अउ लगन ही ह ऊंखर चयन के मुख्य कारण रहिस। राज्य म राष्ट्र गान ल फिल्म मन के पहिली चलाये जाय संबंधी नीतिगत निर्णय अउ राज्य के संस्कृति अउ पर्यटन म एक फिल्म बनाके जम्‍मो सिनेमाघर मन म चलाय के श्रेय ओ मन ल ही जाथे। आप मन जानतेच होहू के न्यूयॉर्क स्थित कोलंबिया यूनिवर्सिटी विश्व के ख्यातिप्राप्त विश्वविद्यालय मन म एक हे अऊ एला आईवी लीग यूनिवर्सिटी कहे जाथे। लोक प्रशासन म ए यूनिवर्सिटी के ख्याति पूरा विश्व म हे। भारतीय संविधान के बनइया श्री बाबासाहेब भीमराव अंबेडकर ह सन 1915 म इन्‍हें एम.ए. के डिग्री प्राप्त करिन अऊ 1927 म अर्थशास्त्र म PHd करिन। इहां उंखर मूर्ति घलोक स्थापित करे गए हे। अमेरिका के पहिली राष्ट्रपति बराक ओबामा घलव ए यूनिवर्सिटी के छात्र रहे हे।
वरिष्ठ पत्रकार स्व. वीरेंद्र दीपक के पुत्र उज्ज्वल दीपक मूलतः गरियाबंद जिला के जामगांव (फिंगेश्वर – राजिम ब्लॉक) के रहइया ये अऊ उमन प्रारंभिक शिक्षा अपन गांव के प्राथमिक शाला ले ही पाए हें। उज्‍जवल खांटी छत्‍तीसगढि़या यें अउ छत्‍तीसगढ़ी उंकर मातृभाषा ये। छत्‍तीसगढि़या अस्मिता अउ स्‍वाभिमन ले भरे उज्‍जवल के अतेक बड़े विश्‍वविद्यालय म चयन होए म छत्‍तीसगढ़ के युवा मन म उत्‍साह हे।
(मूल हिन्‍दी समाचार न्‍यूपावर गेम ले)



मुहाचाही:  छत्तीसगढ़ बनिस देश के बिजनेस लीडर राज्य : छत्तीसगढ़ ल मिलीस इंडिया बिजनेस लीडरशिप स्टेट ऑफ द ईयर अवार्ड

Leave a Reply

Your email address will not be published. Required fields are marked *