Desh नरेन्द्र मोदी

आज पेमेंट्स बैंक के उद्घाटन करहीं पीएम मोदी

प्रधानमंत्री नरेंद्र मोदी आज दिल्ली के तालकटोरा स्टेडियम म ‘इंडिया पोस्ट पेमेंट्स बैंक’ (आईपीपीबी) के शुभारंभ करहीं। आईपीपीबी के देश भर म 650 शाखा अऊ 3250 एक्सेस प्वाइंट होही, जिहां समानांतर रूप ले शुभारंभ कार्यक्रम आयोजित करे जाही। देश भर म सबो 1.55 लाख डाकघर 31 दिसंबर, 2018 तक आईपीपीबी प्रणाली ले जुड़ जाही।
आईपीपीबी ल आम आदमी बर एक सुगम, किफायती अऊ भरोसेमंद बैंक के रूप म स्थापित करे के कोसिस करे जात हे, ताकि केन्द्र सरकार के वित्तीय समावेश उद्देश्य मन ल तेजी ले पूरा करे म मदद मिल सकय। देश के हर कोना म फइले डाक विभाग के 3,00,000 ले जादा डाकिया अऊ ग्रामीण डाक सेवक मन के विशाल नेटवर्क ले एला बिक्‍कट लाभ मिलही। ए खातिर आईपीपीबी भारत म मनखे मन तक बैंक मन के पहुंच बढ़ाय म उल्लेखनीय भूमिका निभाही।
हम आप ल बता देवन के इंडिया पोस्ट पेमेंट्स बैंक भारतीय डाक विभाग के तरफ ले शुरू करे गए हे। ये मां आप मन सेविंग्स अकाउंट के संग करंट अकाउंट घलोक खुलवा सकत हव। इंडिया पोस्ट पेमेंट्स बैंक न सिरिफ आप मन ल बचत खाता म जादा ब्याज देही, भलुक ये आप मन ल डोरस्टेप बैंकिंग के सुविधा घलोक देही। एकर मतलब ये हे कि अब आप मन अपन घर म बइठ के ही बैंक खाता खुलवा सकहू।

मुहाचाही:  चंद्रयान-1 ले भेजे गए आकड़ा ले चांद म बरफ के मौजूदगी पता चलिस