Yojana अमर अग्रवाल

कचरा मुक्‍त शहर मन के स्टार रेटिंग ल लेके छत्तीसगढ़ अऊ ओडिशा के संयुक्त कार्यशाला

  • नगरीय प्रशासन मंत्री श्री अमर अग्रवाल ह करिस शुभारंभ
  • बढि़या काम मन बर सात महिला समूह मन के सम्मान
  • रायपुर शहर म घर-घर जाके कचरा उठइया वाहन मन ल हरी झण्डी

रायपुर, 9 मई 2018। स्वच्छ भारत मिशन के अंतर्गत कचरा मुक्‍त शहर मन के निर्माण बर स्टार रेटिंग प्रोटोकॉल ल लेके छत्तीसगढ़ अऊ ओड़िसा राज्य के संयुक्त कार्यशाला के शुभारंभ नगरीय प्रशासन अउ विकास मंत्री श्री अमर अग्रवाल ह करिन। कार्यशाला म दोनो राज्य मन के नगरीय निकाय मन के अध्यक्ष अऊ अधिकारी मन ह हिस्सा लीन। केन्द्रीय शहरी विकास अउ आवास मंत्रालय कोति ले छत्तीसगढ़ सरकार के नगरीय प्रशासन अउ विकास विभाग के सहयोग ले क्षमता विकास बर ए कार्यशाला के आयोजन करिस। छत्तीसगढ़ के मुख्य सचिव श्री अजय सिंह, भारत सरकार के शहरी विकास मंत्रालय के संयुक्त सचिव श्री बी.के. जिंदल, ओडिशा के अकतहा मिशन संचालक श्री कल्याण कुमार रथ अउ सचिव नगरीय प्रशासन डॉ. रोहित यादव घलोक ए अवसर म उपस्थित रहिन।




नगरीय प्रशासन मंत्री श्री अग्रवाल ह मिशन क्लीन सिटी योजना के अंतर्गत बढि़या काम मन बर कई ठन नगरीय निकाय मन के 7 महिला स्व सहायता समूह मन संग स्वयंसेवी संस्था ‘पाईव्ह एम आर्मी’ अऊ ‘बंच ऑफ फूल्स’ ल सम्मानित करिन। उमन नगरीय प्रशासन विभाग कोति ले जनजागरूकता बर प्रकाशित पुस्तिका ‘स्वच्छता दीदी’ के विमोचन घलोक करिन। श्री अग्रवाल ह स्वच्छता के बारे म मनखे मन म जागरूकता लाय बर छोटे भीम किरदार ल लेके तैयार करे गए छोटे फिल्म ‘लगे रहो’ के लोकार्पण घलोक करिन। नगरीय प्रशासन विभाग के सचिव श्री रोहित यादव ह स्वागत भाषण दीन। उमन स्टार रेटिंग योजना के बारे म बताइन कि एखर से निकाय मन अऊ मनखे मन म आपसी प्रतिस्पर्धा होही अऊ अपन स्तर सुधारे बर ओ मन प्रयासरत होहीं। नगरीय प्रशासन विभाग के संचालक श्री निरंजन दास ह आभार प्रदर्शन करिन।



पूरा समाचार आप संवाद के बेवाईट म ये कड़ी ले पढ़ सकत हवव।

मुहाचाही:  विधायक श्रीमती सरोजनी बंजारे ह बढ़ाइन महिला पंच-सरपंच मन के हौसला