बृजमोहन अग्रवाल

खाद्य प्रसंस्करण उद्योग मन बर बनही कार्य योजना: श्री बृजमोहन अग्रवाल

कृषि मंत्री ह लीन अधिकारी मन के बैठक

रायपुर, 15 मई 2018। छत्तीसगढ म खाद्य प्रसंस्करण म आधारित उद्योग मन के स्थापना बर विस्तृत कार्य योजना बनाय जाही। कृषि मंत्री श्री बृजमोहन अग्रवाल के अध्यक्षता म आज इहां आयोजित बैठक म खाद्य प्रसंस्करण इकाई मन के स्थापना के मूलभूत जरूरत मन के कई ठन पहलु मन उपर विस्तार ले चर्चा के बाद ये निर्णय लेहे गीस। बैठक म राज्य शासन के वाणिज्य अउ उद्योग विभाग, कृषि, उद्यानिकी, मंडी बोर्ड अउ खाद्य प्रसंस्करण ले जुड़े उद्यमी सामिल होइन।
बैठक म उद्यमी मन ह कहिन कि खाद्य प्रसंस्करण इकाई स्थापित करे बर प्रारंभिक तैयारी करना जरूरी हे, ताकि इकाई मन सुचारू रूप ले चलत रहय। उमन सुझाव दीन के सबले पहिली कृषि अऊ उद्यानिकी के जल्दी खराब झन होवय अइसे उत्पाद मन के खेती वाले क्षेत्र मन के चयन करे जाए। ए क्षेत्र मन के किसान मन ल प्रोसेसिंग ले जादा फायदा देहे वाला अऊ उपयोगी किस्म मन के खेती करे बर प्रोत्साहित करे जाए। ए किस्म मन के खेती बर कार्य योजना बनाए जाना चाही, ताकि प्रोसेसिंग यूनिट बर जरूरी उत्पाद मन के आवक जरूरत के मुताबिक हर दिन अऊ हर महिना निरंतर बने रहय। प्रोसेसिंग यूनिट बर उत्पाद मन के निरंतरता जरूरी होथे। एक संग बड़े मात्रा म उपज होए ले किसान मन ल नुकसान होथे। प्रोसेसिंग के शुरूआती प्रक्रिया बर कोल्ड स्टोरेज अऊ रेफ्रिजरेटर के व्यवस्था होनी चाही।

मुहाचाही:  अध्यात्म के शक्ति जागृत होए ले भारत विश्व गुरू बनही: श्री सतपाल महाराज