Desh

चारा घोटाला: लालू प्रसाद के जमानत अरजी खारिज

चारा घोटाला म राष्ट्रीय जनता दल प्रमुख लालू यादव ल झारखंड हाई कोर्ट ले बड़का झटका लगे हे। झारखंड उच्‍च न्यायालय ह लालू प्रसाद के तरफ ले दायर औपबंधिक जमानत याचिका के अवधि ल तीन महीना बढ़ाए ले इंकार कर देहे हे। अब लालू यादव ल 30 अगस्त तक सरेंडर करना होही।
उच्‍च न्यायालय के न्यायाधीश न्यायमूर्ति अपरेश कुमार सिंह के अदालत म आज याचिका उपर सुनवाई होइस। ए दौरान सुप्रीम कोर्ट के अधिवक्ता अभिषेक मनु सिंघवी ह लालू प्रसाद के तरफ ले अदालत म पक्ष रखिस अऊ बीमारी मन के हवाला देवत औपबंधिक जमानत अवधि ल बढ़ाए के आग्रह करिस। अदालत ह ए याचिका ल खारिज़ कर दीस। एखर ले पहिली 17 अगस्त के दिन उच्‍च न्‍यायालय म होए सुनवाई के बेरा अदालत ह लालू प्रसाद के औपबंधिक जमानत के अवधि ल 27अगस्त तक बर बढ़ा देहे रहिस।
आप मन जानतेच होहू के लालू प्रसाद ल चारा घोटाला के तीन मामला मन म रांची स्थित सीबीआई के विशेष अदालत कोति ले सश्रम कारावास के सजा सुनाए गए हे।

मुहाचाही:  मुख्यमंत्री ह देश के वरिष्ठ शिल्पकार मन ल करिन पुरस्कृत अऊ सम्मानित