Yojana

छत्तीसगढ़ म 15 अगस्त तक खुल जाही 650 हेल्थ एंड वेलनेस सेंटर

रायपुर, 20 जुलाई 2018। आयुष्मान भारत योजना के तहत प्रदेश म 650 हेल्थ एंड वेलनेस सेंटर 15 अगस्त 2018 तक चालू करे जाही। ए हेल्थ एंड वेलनेस सेंटर म गरीब परिवार के मरीज मन के बेहतर इलाज बर 36 प्रकार के दवइ अउ 10 प्रकार के जरूरी कीट शुरूआत म मुख्य चिकित्सा अउ स्वास्थ्य अधिकारी कोति ले देहे जात हे। हम आप ल बता देवन के प्रधानमंत्री श्री नरेन्द्र मोदी ह प्रदेश के बीजापुर जिला के जांगला म राष्ट्रव्यापी आयुष्मान भारत योजना के शुभारंभ इही साल 14 अपरेल के दिन बाबा साहेब डॉ. भीमराव अम्बेडकर के जंयती म करे रहिन। योजना के तहत राज्य म 15 अगस्त के पहिली 800 हेल्थ एंड वेलनेस सेंटर के स्थापना करे जाय के लक्ष्य हे। मुख्यमंत्री डॉ. रमन सिंह अऊ स्वास्थ्य मंत्री श्री अजय चन्द्राकर के निर्देश म स्वास्थ्य विभाग से योजना के बेहतर क्रियान्वयन बर तेजी ले तैयारी करे जात हे।

मुहाचाही:  छत्तीसगढ़ के उपलब्धि, विकास अऊ योजना मन ल समझिन पंच-सरपंच