डॉ. रमन सिंह

छत्तीसगढ़ के पंचायती राज व्यवस्था सबले जादा जागरूक: डॉ. रमन सिंह

रायपुर, 12 फरवरी 2018। मुख्यमंत्री डॉ. रमन सिंह ह कहिन कि छत्तीसगढ़ के पंचायती राज व्यवस्था सबले जादा जागरूक अऊ सक्रिय हे। पंचायत मन के सक्रियता ले प्रधानमंत्री श्री नरेन्द्र मोदी के स्वच्छ भारत मिशन के अंतर्गत छत्तीसगढ़ सबले पहिली खुले म शौच मुक्‍त राज्य बनत हे। मुख्यमंत्री आज इहां विधानसभा परिसर स्थित डॉ. श्यामा प्रसाद मुखर्जी सभागार म हमर छत्तीसगढ़ योजना के अंतर्गत विधानसभा के भ्रमण म आए धमतरी जिला के कुरूद, जांजगीर-चांपा जिला के चन्द्रपुर, कांकेर अऊ बस्तर जिला ले आए पंचायती राज संस्था मन के जनप्रतिनिधि मन ल संबोधित करत रहिन।
मुख्यमंत्री ह कहिन कि पंचायत मन के सक्रियता ले स्वच्छ छत्तीसगढ़ अऊ स्वच्छ भारत के कल्पना साकार होगी। उमन पंचायत प्रतिनिधि मन ल ये घलोक बताइन कि सामाजिक सुरक्षा पेंशन योजना के लाभ पाय ले बांच गए पात्र वृद्धजन, विधवा अऊ परित्यक्ता मन के नाम पेंशन योजना म जोड़े जाही। साल 2018-19 के बजट म ए योजना के घोषणा कर दे गए हे। अनुमान के मुताबिक ए वर्ग के मन के लगभग तीन लाख पात्र हितग्राही मन के नाम पेंशन योजना बर जोड़े जाही। मुख्यमंत्री ह ओ मन ल विधानसभा के काम मन के बारे म जानकारी दीन। उमन शिवरात्रि पर्व के शुभकामना घलोक जनप्रतिनिधि मन ल दीन।



विधानसभा अध्यक्ष श्री गौरीशंकर अग्रवाल ह पंचायती राज जनप्रतिनिधि मन ल संबोधित करत कहिन कि छत्तीसगढ़ देश म अकेल्‍ला राज्य हे जिहां पंचायत राज संस्था मन के चुने जनप्रतिनिधि मन ल राज्य सरकार कोति ले राजधानी म आमंत्रित कराके ओ मन ल प्रदेश म होवत विकास काम मन अऊ शासन के योजना मन के जानकारी दे जात हे। जेखर से हमार जनप्रतिनिधि ये समझ सकयं के छत्तीसगढ़ विकास के रद्दा म कतेक तेजी ले आगू बढ़त हे। उमन बताइन कि छत्तीसगढ़ के इतिहास म पहली पइत मुख्यमंत्री डॉ. रमन सिंह ह ए साल के बजट म एक संग 30 नवा महाविद्यालय चालू करे के घोषणा करे हें।

उमन ये घलोक बताइन कि बजट म पंचायती राज संस्था मन के जनप्रतिनिधि मन, आंगनबाड़ी कार्यकर्ता, मितानिन मन के मानदेय म बढ़ोत्तरी के घोषणा मुख्यमंत्री ह करे हें। श्री अग्रवाल ह पंचायत प्रतिनिधि मन ल बताइन कि बजट के घोषणा ले प्रदेश के करीबन 70 हजार मितानिन मन के मानदेय म 400 ले 1000 रूपिया तक के वृद्धि होही। त्रि-स्तरीय पंचायती राज संस्था मन के तहत जिला पंचायत अध्यक्ष के मानदेय 10 हजार रूपिया ले बढ़ाके 15 हजार रूपिया, जिला पंचायत सदस्य मन के मानदेय चार हजार ले बढ़ाके छह हजार रूपिया, जनपद पंचायत अध्यक्ष मन के मानदेय साढ़े चार हजार रूपिया ले बढ़ाके छह हजार रूपिया, जनपद पंचायत उपाध्यक्ष मन के मानदेय 2500 ले बढ़ाकर 4000 रूपिया अऊ जनपद सदस्य मन के मानदेय 1200 ले बढ़ाके 1500 रूपिया के दे गए हे। रोजगार सहायक मन के अउ कोटवार मन के मानदेय म घलोक वृद्धि करे गए हे।



मुहाचाही:  मुख्यमंत्री ले मितानिन मन के प्रतिनिधि मण्डल ह करिस मुलाकात