Rajyapal

छत्तीसगढ़ जनहितकारी योजना मन ल लागू करइया आदर्श राज्य: राज्यपाल

राज्यपाल श्री टंडन के अभिभाषण ले चालू होइस छत्तीसगढ़ विधानसभा के बजट सत्र

रायपुर, 05 फरवरी 2018। छत्तीसगढ़ राज्य के चउथैया विधानसभा के बजट सत्र आज ले शुरू हो गीस। राज्यपाल श्री बलरामजी दास टण्डन के अभिभाषण ले सत्र के शुभारम्भ होइस। कांग्रेस के विधायक म सुरु म थोकिन टोंका-टाँकी करिन तेखर जवाब राज्यपाल ह खुदे दीन।

राज्यपाल के भूपेश ल चेथ्थुल
राज्यपाल जब अपन अभिभाषण देवत रहिन त कांग्रेस अध्यक्ष भूपेश बघेल ह कहिस कि ए उम्मर म सरकार आपले झूठ बोलवात हे। राज्यपाल ह कहिन कि सूखाग्रस्त क्षेत्र मन म राहत के काम आप मन ल नइ दिखय।

राज्यपाल श्री टंडन ह आघु अपन अभिभाषण म कहिन कि उंखर सरकार ह गांव, गरीब, किसान, अनुसूचित जाति, अनुसूचित जनजाति, आन पिछड़ा वर्ग, अल्पसंख्यक मन संग हरेएक वर्ग के मनखे मन बर विशिष्ट प्राथमिकता ले काम करत हे। सरकार ह लइका, महिला, युवा, दिव्यांगजन अऊ सियान मन के जरूरत ल बारीकी ले समझके ओखर मुताबिक नीति, योजना मन ल बनाये हे अऊ ओ मन ल लाभान्वित करे हे। छत्तीसगढ़ राज्य ह कई ठन क्षेत्र मन म तेजी ले प्रगति दर्ज करे के संग विशिष्ट जनहितकारी योजना मन ल लागू करइया आदर्श राज्य के रूप म प्रतिष्ठा प्राप्त करे हे।
राज्यपाल के हिन्दी अभिभाषण के पूरा पाठ ये कड़ी ले पढ़व।

मुहाचाही:  राज्यपाल ले पूर्व विधानसभा उपाध्यक्ष ह करिन सौजन्य भेंट