अभिषेक सिंह डॉ. रमन सिंह

छत्तीसगढ़ म अच्छा संभावना के संग तेजी ले उभरत हे स्टार्टअप: डॉ. रमन सिंह

रायपुर, 15 फरवरी 2018। मुख्यमंत्री डॉ. रमन सिंह ह कहिन कि छत्तीसगढ़ म अच्छा संभावना मन के संग स्टार्टअप तेजी ले उभरत हे। उमन काल जिला मुख्यालय राजनादगांव म आठ चार्टर एकाउंटेंट मन कोति ले शुरू करे गए संस्था पार्श्व भवन के लोकार्पण करत ए आशय के विचार व्यक्त करिन। डॉ. सिंह ह ए नवा स्टार्टअप के शुभारंभ म खुशी प्रकट करिन अऊ एखर सफलता बर चाटर्ड एकाउंटेंट मन ल बधाई अऊ शुभकामना दीन।
मुख्यमंत्री ह कहिन – संस्था के सदस्य मन ह भवन के लोकार्पण मोर से डिजिटल तरीका ले कराइन। केवल एक किलिक के माध्यम ले आप सब मन पार्श्व के लोकार्पण होत देखेव। ये सोच बहुत महत्वपूर्ण हे कि कोनो काम ल नवा ढंग ले करे जा सकत हे। अइसनहेच सोच के बीज ह बड़का वृक्ष म परिणित होथे। लोकसभा सांसद श्री अभिषेक सिंह ह कहिन कि राजनांदगांव म तेजी ले होवत व्यवसाय के विस्तार ले साफ हे कि व्यावसायिक संभावना अब सिरिफ महानगर तक सीमित नइ हे। स्टार्टअप के संभावना अब टीयर-2 अउर टीयर-3 शहर मन म घलोक फैलत हे। ए लिहाज ले राजनांदगांव के युवा उद्यमशीलता कोति लउहे ले बढ़त हें जऊन स्वागतयोग्य हे।




कार्यक्रम म राज्य समाज कल्याण बोर्ड के अध्यक्ष श्रीमती शोभा सोनी, राज्य भंडारगृह निगम के अध्यक्ष श्री नीलू शर्मा, राज्य उर्दू अकादमी के अध्यक्ष श्री अकरम कुरैशी, 20 सूत्रीय कार्यक्रम क्रियान्वयन समिति के उपाध्यक्ष श्री खूबचंद पारख, नगर निगम के महापौर श्री मधुसूदन यादव, नागरिक आपूर्ति निगम के पहिली अध्यक्ष श्री लीलाराम भोजवानी, पाठ्य पुस्तक निगम के पहिली अध्यक्ष श्री अशोक शर्मा, विधायक डोंगरगढ़ श्रीमती सरोजनी बंजारे, जिला सहकारी केन्द्रीय बैंक के अध्यक्ष श्री सचिन बघेल, राज्य गृह निर्माण मंडल के सदस्य श्री नरेश डाकलिया, राज्य महिला आयोग के सदस्य डॉ. लकीर मेश्राम संग बहुत अकन वरिष्ठजन उपस्थित रहिन।



मुहाचाही:  मुख्यमंत्री के बहुत अकन प्रस्ताव मन ल रेल मंत्री ह दीन सैद्धांतिक मंजूरी