बृजमोहन अग्रवाल

छत्तीसगढ़ म हवाई कार्गो सेवा के विकास के बिक्‍कट संभावना : श्री अमर अग्रवाल

रायपुर, 19 जून 2018। वाणिज्य अउ उद्योग मंत्री श्री अमर अग्रवाल ह आज इहां माना विमानतल मार्ग स्थित एक निजी हॉटल म छत्तीसगढ़ म हवाई कार्गो के संभावना उपर आधारित एक कार्यशाला के शुभारंभ करिन। श्री अग्रवाल ह कहिन कि चारों कोति ले 7 राज्य मन ले घिरे होए के सेती छत्तीसगढ़ म हवाई कार्गों के विकास के बिक्‍कट संभावना मौजूद हे। उमन बताइन के राज्य म फिलहाल 11 टन एयर कार्गो के हरेक दिन ढुलाई होवत हे, जबकि इहां 50 टन हरेक दिन के क्षमता हवय। छत्तीसगढ़ पूरा देश म पहली राज्य हे जऊन हर परिवहन संबंधी गतिविधि मन ल बढ़ावा दे बर अपन खुद के लाजिस्टिक्स पार्कस पालिसी बनाए हे। कार्यशाला के आयोजन कन्फेडरेशन ऑफ इण्डियन इण्डस्ट्रीज (सीआईआई) कोति ले उद्योग विभाग के सहयोगी संस्था सीएसआईडीसी के सहयोग ले करे गीस। सीएसआईडीसी के अध्यक्ष श्री छगनलाल मूंदड़ा अऊ उद्योग विभाग के सचिव श्री कमलप्रीत सिंह घलोक ए अवसर म उपस्थित रहिन।

मुहाचाही:  मुख्यमंत्री ह करिस प्रदेश के पहिली धनुषाकार पुल के लोकार्पण