अटल विकास यात्रा डॉ. रमन सिंह

छत्तीसगढ़ सरकार ह महिला सशक्तिकरण ल अपन मंत्र बनाए हे : डॉ. रमन सिंह

मुख्यमंत्री डॉ. रमन सिंह ह कहिन के राज्य सरकार ह प्रदेश म महिला सशक्तिकरण ल अपन मंत्र बनाए हे। संचार क्रांति योजना म 40 लाख महिला मन ल निःशुल्क स्मार्ट मोबाइल फोन देहे जात हे। अब तक 20 लाख महिला मन ल मोबाइल फोन मिल गे हे। राज्य सरकार ह बेटी मन के निःशुल्क शिक्षा, महिला मन के स्वास्थ्य अऊ आर्थिक स्वावलम्बन बर बहुत अकन योजना चालू करे हे, जेकर लाभ लेके महिला मन सबो क्षेत्र मन म आगू बढ़त हें। डॉ. सिंह आज प्रदेश व्यापी अटल विकास यात्रा के अंतर्गत कोरबा जिला म घने जंगल अऊ पहाड़ मन ले घिरे मदनपुर गांव म आयोजित एक विशाल आम सभा ल सम्बोधित करत रहिन। मुख्यमंत्री ह कहिन कि हाथी मन ले प्रभावित ए क्षेत्र म सबो कच्चा मकान पक्का बनाए जाही। गांव वाले मन ह उत्साह के संग मुख्यमंत्री के स्वागत करिन।
डॉ. सिंह ह आमसभा म करीबन 109 करोड़ रूपिया के 54 काम मन के लोकार्पण, शिलान्यास अऊ भूमिपूजन करिन। उमन करीबन 96 करोड़ 59 लाख रूपिया के लागत ले पाली-सिल्ली तक 21.50 किलोमीटर लम्बी सड़क के उन्नयन अऊ सुदृढ़ीकरण काम के शिलान्यास करिन। आमसभा म उमन 10 हजार 649 हितग्राही मन ल शासन के कई ठन जनकल्याणकारी योजना मन म सामान अऊ सहायता राशि वितरित करिन।
डॉ. सिंह ह आमसभा म कहिन कि खनिज संसाधन मन ले समृद्ध कोरबा जिला के छत्तीसगढ़ के विकास म महत्वपूर्ण योगदान हे। प्रधानमंत्री श्री नरेन्द्र मोदी कोति ले खनिज बहुल जिला मन म जिला खनिज न्यास के गठन के फैसला ले सिरिफ कोरबा जिला ल ही नहीं पूरा छत्तीसगढ़ ल विकास कार्य बर अकतहा आर्थिक संसाधन मिलत हे। उमन कहिन कि कोरबा जिला म अवइया 50 बछर तक विकास काम मन बर आर्थिक संसाधन मन के कमी नइ होही। उमन कहिन कि कोरबा जिला म 150 करोड़ रूपिया के लागत ले दंतेवाड़ा अऊ बीजापुर ले घलोक बड़े एजुकेशन हब के निर्माण होए जात हे। जिला खनिज न्यास के राशि ले ही कोरबा म सेन्ट्रल इन्टीट्यूट ऑफ प्लास्टिक इंजीनियरिंग एंड टेक्नोलाजी (सिपेट) के स्थापना करे जात हे। ए दुनों ही संस्थान मन के लाभ पूरा छत्तीसगढ़ ल मिलही। डॉ. सिंह ह बताइस कि डीएमएफ ले ए क्षेत्र म 211 करोड़ रूपिया के लागत ले 761 काम स्वीकृत होए हे अऊ पूरा कोरबा जिला म एक हजार 52 करोड़ रूपिया के लागत के 2767 काम स्वीकृत होए हे।
डॉ. सिंह ह कहिन कि प्रधानमंत्री उज्ज्वला योजना म ए क्षेत्र ल गरीब कुटुंब के 45 हजार 453 महिला मन ल रसोई गैस कनेक्शन अऊ पूरा कोरबा जिला म एक लाख 25 हजार महिला मन ल रसोई गैस कनेक्शन दे गे हे। प्रधानमंत्री घर योजना के अंतर्गत कोरबा जिला के ए क्षेत्र म 22 हजार 328 गरीब परिवार मन ल डेढ़ लाख रूपिया के लागत के पक्के मकान बनाके दीन जा रहय हे। एमां ले 10 हजार 900 मकान पूरा हो गे हे। ए योजना म पूरा जिला म 44 हजार मकान बनाए जाही।
मुख्यमंत्री ह कहिन कि विकास यात्रा जनता के विश्वास के यात्रा हे। में जनता के आशीर्वाद लेने बर एखर यात्रा म निकला हूं। बुजुर्ग माता अऊ बहिनी जब दुनों हाथ उठाके आशीर्वाद देथें, तो संतुष्टि मिलती हे। ऊंखर चेहरे के चमक देखकर लगता हे कि राज्य सरकार के योजना मन के लाभ ओ मन ल मिल रहा हे। डॉ. सिंह ह कहिन कि कोरबा जिला के हर पारा, मोहल्ला मन म बिजली पहुंचाए जाही। जऊन घर म बिजली कनेक्शन नइ हे उहां बिजली कनेक्शन दे जाही। उमन समर्थन मूल्य म धान खरीदी, मुख्यमंत्री स्वास्थ्य सुरक्षा योजना, आयुष्मान भारत योजना, मुख्यमंत्री खाद्य सुरक्षा योजना मन के जानकारी दीन। आमसभा ल लोकसभा सांसद श्री बंशीलाल महतो अऊ पूर्व गृह मंत्री श्री ननकीराम कंवर ह घलोक सम्बोधित करिन। ए अवसर म श्रम, खेल अउ युवा कल्याण मंत्री श्री भईयालाल राजवाड़े, संसदीय सचिव श्री लखन देवांगन अऊ पूर्व विधानसभा अध्यक्ष श्री बनवारी लाल अग्रवाल संग बहुत अकन जनप्रतिनिधि अऊ ग्रामीण बड़ी संख्या म उपस्थित रहिन।

मुहाचाही:  अटल जी ह करे रहिन ‘छत्तीसगढ़-विकास के मुक्ताकाश’ के विमोचन