Chhattisgarhi Rojgar Samachar

छत्‍तीसगढ़ म थल सेना भर्ती बर ऑनलाईन पंजीयन चालू





दुर्ग, 07 मार्च 2017। दुर्ग जिला सहित पूरा छत्तीसगढ़ के नौजवान मन ल थल सेना मं भर्ती होके देश सेवा करे के सुनहरा मौका आए हे। भर्ती बर इच्छुक युवा 20 अप्रैल तक एखर वेबसाईट मं जाके अपन पंजीयन अऊ आवेदन दे सकत हें। थल सेना भर्ती मं हिस्सा लेहे बर ऑनलाइन पंजीयन 7 मार्च ले 20 अप्रेल 2017 तक करे जा सकत हे। भर्ती बर रैली होही जऊन कि 18 मई को बिलासपुर स्थित बेहतरीया अंतर्राष्ट्रीय स्टेडियम मं होही। जिला कलेक्टर श्रीमती आर.शंगीता हर जिला के अधिकाधिक युवा मन ल रैली मं हिस्सा लेके सेना मं दुर्ग जिला के प्रतिनिधित्व बढ़ाए के आह्वान करे हे। उमन बताइन कि इच्छुक आवेदक http://www.armyrecruitmentmp.nic.in मं पहुंचके अपन आवेदन भर सकत हें। ये रैली सिरिफ पुरूष उम्मीदवार मन बर होही। ऑनलाईन आवेदन बर 10वी. उत्तीर्ण अंकसूची, मैट्रिक प्रमाण-पत्र, ई-मेल अउ मोबाईल नंबर जरूरी हावे।






मुहाचाही:  मोर खातिर कोनो विशेष इंतजाम मत करव: योगी