Yojana जगदलपुर

जगदलपुर के मालती ल मिलिस दू लाखवां स्मार्टफोन

जगदलपुर, 10 अगस्त 2018। जगदलपुर के श्रीमती मालती देवनाथ ल आज स्काई योजना के तहत 2 लाखवां स्मार्टफोन मिलीस। सुकरवार के दिन जब ओला ए बात के जानकारी मिलीस कि वो एक अइसन भाग्यशाली महिला हे, जऊन ल दू लाखवां स्मार्टफोन मिले हे, ओखर खुशी के ठिकाना नइ रहिस। ओ हर गरीब मन ल स्मार्टफोन देहे के ये योजना बर मुख्यमंत्री डॉ. रमन सिंह के आभार व्यक्त करत कहिन के वो खुद सिलाई के काम करथे अऊ आज नवा-नवा फैशन के दौर म खुद ल अपडेट रखना चाहथे। श्रीमती मालती ह कहिन कि नचा-नवा डिजाईन सीखे बर आज निश्चित तौर म स्मार्टफोन एक सशक्त माध्यम हे, फेर स्मार्टफोन बिसाए बर रुपए सकेलना आसान काम नइ हे। श्रीमती मालती ह बताइस कि वो स्मार्टफोन बिसाये बर कई पइत कोसिस करत रहिस, फेर इकट्ठा करे रुपया कहूं ना कहूं खरचा हो जात रहिस। ओ हर कहिस के स्मार्टफोन रखे के ओखर सपना मुख्यमंत्री डॉ. रमन सिंह ह पूरा करिस अऊ अब वो एखर से सिलाई बर नवा-नवा डिजाईन सीखही। स्मार्टफोन ले वो अब ग्राहक मन ल घलोक कपड़ा के डिजाईन ऑनलाईन भेजही।

मुहाचाही:  अध्ययन यात्रा के सुग्‍घर सुरता के संग लहुटिन पंच-सरपंच