अजय सिंह रायपुर

जल संरक्षण अउ प्रबंधन उपर केन्द्रित केन्द्रीय केबिनेट सचिव करिस विचार-विमर्श

  • जल संरक्षण अउ प्रबंधन उपर केन्द्रित केन्द्रीय केबिनेट सचिव श्री सिन्हा ह राज्य मन के मुख्य सचिव मन ले वीडियो कॉन्फ्रेंसिंग के
    जरिये करिस विचार-विमर्श
  • मुख्य सचिव श्री अजय सिंह ह छत्तीसगढ़ म जल संरक्षण, प्रबंधन सिंचाई अऊ पेयजल के बारे म दे जानकारी

रायपुर, 16 मई 2018। केन्द्रीय केबिनेट सचिव श्री प्रदीप कुमार सिन्हा ह आज देश के कई ठन राज्य मन के मुख्य सचिव मन ले जल
संरक्षण अउ प्रबंधन के संबंध म वीडियो कॉन्फ्रेंसिंग के जरिये विचार-विमर्श करिन। छत्तीसगढ़ के मुख्य सचिव श्री अजय सिंह ह इहां
मंत्रालय म राज्य के जल संरक्षण, प्रबंधन संग छोटे अऊ मध्यम सिंचाई योजना मन के बारे म ओ मन ल जानकारी दीन। श्री सिंह ह
राज्य म चलाये जात पेयजल परीक्षण अभियान संग जल प्रबंधन अऊ संरक्षण के राज्य स्तरीय कार्य योजना के बारे म घलोक केबिनेट
सचिव ल बताइन। मुख्य सचिव ह बताइन कि राज्य म जल प्रबंधन अउ संरक्षण के करीबन नौ हजार काम प्रधानमंत्री कृषि सिंचाई
योजना के अंतर्गत कराये गये हे। इही प्रकार राज्य के किसान मन के खेत मन म 65 हजार डबरी बनाय गए हे। किसान सिंचाई के संग
आन कार्य मन बर डबरी मन के पानी ल उपयोग करते हें। उमन बताइस छत्तीसगढ़ म मनरेगा के तहत सिंचाई अऊ जल संरक्षण के
करीबन एक लाख ले जादा काम कराये गये हे अऊ व्यापक स्तर म राज्य म पौधारोपण करे गए हे।

मुहाचाही:  मुख्य सचिव के अध्यक्षता म शिक्षाकर्मी मन के मांग उपर होइस गोठ : विचार बर फेर होही बैठक