Success Stories Success story किसान

डीबीटी योजना म सराहनीय काम बर उद्यानिकी विभाग पुरस्कृत

रायपुर, 8 मई 2018। राज्य शासन के उद्यानिकी विभाग ल प्रत्यक्ष लाभ हस्तांतरण (डीबीटी) योजना म सराहनीय काम बर राष्ट्रीय स्तर म पुरस्कार मिले हे। केन्द्र सरकार कोति ले बागवानी किसान मन के हित म ये योजना शुरू के गए हे। भारत सरकार के कृषि अउ किसान कल्याण मंत्रालय के अकतहा सचिव श्री जलज श्रीवास्तव ह महाराष्ट्र के पुणे म पाछू दिनोन म हार्टनेट विसय म आयोजित दू दिवसीय प्रशिक्षण अउ राष्ट्रीय कार्यशाला म उद्यानिकी विभाग ल पुरस्कृत करिस। उद्यानिकी विभाग कोति ले डॉ. कमलेश दीवान, सहायक संचालक (उद्यान) ह पुरस्कार अउ प्रशस्ति पत्र प्राप्त करिन।




उद्यानिकी विभाग के अधिकारी मन ह आज इहां बताइन कि विभाग के योजना मन के तहत फल-फूल अऊ साग-भाजी के खेती करइया किसान मन ल अनुदान दे जात हे। अनुदान राशि किसान मन के बैंक खाता म सीधा जमा कराए बर डीबीटी योजना संचालित करे जात हे। छत्तीसगढ़ म राष्ट्रीय बागवानी मिशन के तहत किसान मन ल अनुदान के 29 करोड़ 32 लाख रूपिया आनलाईन ऊंखर खाता म जमा कराए गए हे। योजना के सफल क्रियान्वयन बर केन्द्र सरकार कोति ले उद्यानिकी विभाग ल सम्मानित करे गए हे।


मुहाचाही:  स्कूल शिक्षा मंत्री हर गांड़ा समाज के 32 प्रतिभावान छात्र-छात्रा मन के करे गीस सम्मानित