डॉ. रमन सिंह

डॉ. रमन सिंह छत्तीसगढ़ स्कवैश एसोसिएशन के फेर अध्यक्ष निर्वाचित

रायपुर, 06 फरवरी 2018। मुख्यमंत्री डॉ रमन सिंह ल छत्तीसगढ़ स्कवैश एसोसिएशन के सर्वसम्मति ले फेर अध्यक्ष निर्वाचित करे गीस। उहां कार्यालय म एसोसिएशन के बैठक होइस। तेमां संस्था के सचिव श्री विष्णु श्रीवास्तव ह बैठक म संस्था के वार्षिक प्रतिवेदन अऊ पाछू बैठक के पालन प्रतिवदेन प्रस्तुत करे गीस जेखर अनुमोदन कराए गीस। एखर पाछू मुख्यमंत्री ल राज्य म स्कवैश खेल के गतिविधि मन के जानकारी दे गीस।




एखर बाद नवा कार्यकारिणी बर निर्वाचन प्रक्रिया पूरा होइस। जेमां मुख्यमंत्री डॉ रमन सिंह ल सर्वसम्मति ले फेर अध्यक्ष चुने गीस। संगेच नवा कार्यकारिणी के घोषणा घलोक होइस। जेमां उपाध्यक्ष सुश्री लता उसेंडी, श्री मनोज अग्रवाल, डॉ ए.फरिश्ता, श्री राकेश पांडे, श्री मनीष रिछारिया अऊ सचिव श्री विष्णु श्रीवास्तव, कोषाध्यक्ष श्री मंदीप चांवला सह सचिव डॉ आलोक दुबे, श्री संदीप गोविलकर, श्री विनीत सक्सेना, श्री मूलचंद जैन संग कार्यकारिणी सदस्य श्री प्रवीण रिछारिया, डॉ. गिरीशकांत पाण्डेय संग आन सामिल हें। ए कार्यकारिणी के कार्यकाल तीन साल के रहिही। मुख्यमंत्री ह एसोसिएशन के नवा कार्यकारिणी के जम्‍मो पदाधिकारि मन ल बधाई अउ शुभकामना दीन। ए अवसर म भारतीय ओलंपिक संघ के संयुक्त सचिव श्री विक्रम सिसोदिया संग संस्था के आन सदस्य उपस्थित रहिन।



मुहाचाही:  मुख्यमंत्री ह राजधानी ल दीस एक नवा स्टेडियम के सौगात