बृजमोहन अग्रवाल

ढाई लाख दीया के अंजोर ले जगमगाही कुंभ मेला

राजिम कुंभ मेला म संत समागम आज ले साधु-संत मन के स्वागत बर दीप उत्सव के आयोजन
मुख्यमंत्री डॉ. रमन सिंह होंही संत-समागम शुभारंभ समारोह के मुख्य अतिथि

रायपुर, 06 फरवरी 2018। माघ पून्‍नी 31 जनवरी ले चलत राजिम कुंभ कल्प मेला म काल 7 फरवरी ले विराट संत समागम शुरू होही। संत समागम म देश भर के साधु-संत मन अऊ महात्मा मन के आगमन म ऊंखर अभिनंदन के विशेष तैयारी करे गए हे। विराट संत समागम के शुभारंभ म साधु-संत मन के स्वागत बर कुंभ स्थल म ढाई लाख दीया बारके कीर्तिमान स्थापित करे जाही।




राजिम के त्रिवेणी संगम म राजीव लोचन मंदिर तीर नदी तट म बने भव्य मुक्ताकाशी मंच म 7 फरवरी के संझा साधु-संत मन के सत्संग म संत समागम के शुभारंभ समारोह आयोजित करे गए हे। मुख्यमंत्री डॉ. रमन सिंह शुभारंभ समारोह के मुख्य अतिथि होहीं। धार्मिक न्यास अउ धर्मस्व मंत्री श्री बृजमोहन अग्रवाल ह संत समागम के तैयारी मन के सिलसिला म बीती रात मेला क्षेत्र के अवलोकन करिस। श्री अग्रवाल छत्तीसगढ़ विधानसभा के पहिली उपाध्यक्ष नारायण चंदेल के संग त्रिवेणी संगम म आयोजित गंगा आरती म घलोक सामिल होइन।

मुहाचाही:  डीके सुपर स्पेशलिटी हॉस्पिटल के बृजमोहन ह करिस अवलोकन