रायपुर श्रीमती रमशिला साहू

तीसर लिंग समुदाय बर देश म पहली पइत सौन्दर्य प्रतियोगिता के आयोजन

समाज कल्याण मंत्री श्रीमती रमशीला साहू ह करिस प्रतियोगिता के पहिली पाती के विमोचन
समाज कल्याण विभाग अऊ स्‍वयं सेवी संस्थान जेसीआई कोति ले देश म अपन जइसे ये पहली आयोजन

रायपुर, 25 अप्रैल 2018। राज्य शासन अऊ स्‍वयं सेवी संस्थान जेसीआई के संयुक्त तत्वाधान म देश म पहली पइत तीसर लिंग समुदाय बर सौन्दर्य प्रतियोगिता के आयोजन अवइया तीन जून ले करे जाही। समाज कल्याण मंत्री श्रीमती रमशीला साहू ह आज इहां अपन शासकीय निवास स्थित कार्यालय म ए प्रतियोगिता के पहिली ब्रोशर के विमोचन करिन। ए दौरान उमन जेसीआई संस्था कोति ले आए प्रतिनिधि मंडल ले मुलाकात करिन जेमां ए संस्थान के अलग अलग चेप्टर मन के अध्यक्ष अऊ सदस्य सामिल रहिन। ए मुलाकात के समय श्रीमती साहू ह जेसीआई के ए पहल के सराहना करत कहिन कि छत्तीसगढ़ सरकार समाज के हर तबके ल आघू बढ़ाए बर सदैव तत्पर रहे हे। तीसर लिंग समुदाय के मनखे मन के व्यक्तित्व विकास, आर्थिक अऊ सामाजिक उन्नयन के संगेच समाज म ओ मन ल सम्मान जनक जघा देवाए बर राज्य सरकार हर हमेशा तत्पर रहे हे। श्रीमती साहू ह कहिन कि समाज म सकारात्मक बदलाव लाय बर समाज के मनखे मन ल आगू आना बहुत ज़रूरी हे, जब समाज के मनखे अइसन पहल करथें त ओ मन ल बहुत ख़ुशी होथे। राज्य शासन कोति ले ए आयोजन बर हर संभव सहयोग करे जाही। जेसीआई के प्रतिनिधि अऊ आयोजन समिति के अध्यक्ष सुश्री नेहा शेलमन ह बताइस कि ए आयोजन बर रायपुर, रायगढ़ अऊ जगदलपुर म तीन ऑडिशन करे जाही ऑडिशन के बाद फाइनल राउंड बर 20 प्रतिभागी मन के चयन करे जाही जऊन 03 जून के दिन रायपुर म फ़ाइनल प्रतियोगिता म हिस्सा लिहीं। चुने गए 20 प्रतिभागी मन ल तीन दिन तक एक संग रखे जाही अऊ ओ मन ल अलग अलग टास्क दिए जाही। एखर दौरान ये सबो प्रतिभागी समाज के हर तबके ले मुलाकात करहीं अऊ अपन अनुभव साझा करहीं।
ब्रोशर के विमोचन के समय कार्यक्रम के संयोजक श्री अजय अग्रवाल ,प्रोग्राम डायरेक्टर अऊ कोरियोग्रफेर श्रीमती एकता मलंग, समाज सेविका अऊ अंतर्राष्ट्रीय कराटे खिलाड़ी श्रीमती हर्षा साहू, सुश्री वाजिदा मिर्ज़ा सर्वश्री समीर शेख, संजय सिंह, योगेन्द्र नायक अऊ लोकेश पवार घलोक उपस्थित रहिन।


मुहाचाही:  राष्ट्रीय पोषण मिशन म छत्तीसगढ़ के 15 जिला सामिल : प्रधानमंत्री राजस्थान म करहीं शुभारंभ