prashasan अजय सिंह

दस जिला मन म बनही विशेष पंचवर्षीय कार्य-योजना

मुख्य सचिव के अध्यक्षता म समन्वय समिति के बैठक

रायपुर, 13 फरवरी 2018। नीति आयोग भारत सरकार कोति ले छत्तीसगढ़ के चुने गए दस जिला मन म शिक्षा, स्वास्थ्य, कृषि, कौशल विकास अऊ आधारभूत अधोसंरचना बर जल्‍दी विशेष पंचवर्षीय कार्य-योजना तैयार करे जाही। ए संबंध म मुख्य सचिव श्री अजय सिंह के अध्यक्षता म आज इहां मंत्रालय (महानदी भवन) म समन्वय समिति के बैठक आयोजित करे गीस। बैठक म योजना, आर्थिक अउ सांख्यिकी विभाग के अपर मुख्य सचिव श्री सुनील कुजूर ह बताइस कि नीति आयोग कोति ले महत्वाकांक्षी पंचवर्षीय योजना (2018-2022) के तहत देश म 115 जिला मन के चयन करे गए हे। एमां छत्तीसगढ़ के दस जिला -बस्तर, बीजापुर, दक्षिण बस्तर (दंतेवाड़ा), उत्तर बस्तर (कांकेर), कोण्डागांव, नारायणपुर, सुकमा, कोरबा, राजनांदगांव अऊ महासमुंद सामिल हे। ए जिला मन म विशेष कार्य-योजना बनाके शिक्षा, स्वास्थ्य, पोषण, कृषि, मछलीपालन, कौशल विकास, वित्तीय प्रबंधन अऊ आधारभूत अधोसंरचना मन के क्षेत्र म काम करे जाही। एखर समीक्षा सीधा नीति आयोग कोति ले करे जाही। मुख्य सचिव ह जिला मन के प्रभारी सचिव मन ल घलोक भ्रमण के समय ए कार्य-योजना के तहत नीति आयोग कोति ले तय करे कार्य मन के समीक्षा करे के निर्देश दीन।
बैठक म वन विभाग के अपर मुख्य सचिव श्री से.के. खेतान, गृह विभाग के अपर मुख्य सचिव श्री बी.व्ही.आर. सुब्रहमण्यम, पंचायत अउ ग्रामीण विकास विभाग के अपर मुख्य सचिव श्री आर.पी. मण्डल, वित्त विभाग के प्रमुख सचिव श्री अमिताभ जैन, लोक स्वास्थ्य यांत्रिकी विभाग के सचिव सुश्री शहला निगार, कृषि विभाग के सचिव श्री अनूप कुमार श्रीवास्तव, योजना, आर्थिक अउ सांख्यिकी विभाग के सचिव श्री आशीष कुमार भट्ट, स्वास्थ्य विभाग के सचिव श्री अनिल साहू, नगरीय प्रशासन विभाग के सचिव डॉ. रोहित यादव, स्कूल शिक्षा विभाग के सचिव श्री हेमंत पहारे, आदिम जाति अउ अनुसूचित जाति विभाग के विशेष सचिव सुश्री रीना बाबा साहेब कंगाले, ऊर्जा विभाग के विशेष सचिव श्री सिद्धार्थ कोमल परदेशी अउ प्रधान मुख्य वन संरक्षक डॉ. आर.के. सिंह संग आन अधिकारी उपस्थित रहिन।


मुहाचाही:  वाणिज्यिक-कर मंत्री अमर अग्रवाल के अध्यक्षता म विभागीय समीक्षा बैठक