बृजमोहन अग्रवाल

धर्मस्व मंत्री श्री अग्रवाल ह करिस राजिम कुंभ उपर केन्द्रित फोटो पुस्तिका के विमोचन

रायपुर, 11 फरवरी 2018। धार्मिक न्यास अउ धर्मस्व मंत्री श्री बृजमोहन अग्रवाल ह राजिम के त्रिवेणी संगम म बने भव्य मुक्ताकाशी मंच म श्री दीपक टंडन कोति ले राजिम कुंभ (कल्प) उपर प्रकाशित फोटो पुस्तिका के विमोचन करिस। पुस्तिका म राजिम कुंभ के इतिहास, संत-समागम, पंचकोशी परिक्रमा अउ सांस्कृतिक कार्यक्रम मन उपर केन्द्रित आकर्षक फोटोग्राफ्स प्रकाशित करे गए हे। ए बहुरंगीय पुस्तिका म फोटो के माध्यम ले राजिम कुंभ के महिमा के बखान घलोक करे गए हे। धर्मस्व मंत्री श्री बृजमोहन अग्रवाल ह फोटो पुस्तिका के प्रकाशन म सम्पादक श्री दीपक टंडन ल बधाई अऊ शुभकामना दीन। ए अवसर म अपेक्स बैंक के अध्यक्ष श्री अशोक बजाज अऊ रायपुर विकास प्राधिकरण के अध्यक्ष संजय श्रीवास्तव संग आन जनप्रतिनिधि अउर साधु-संत उपस्थित रहिन।



मुहाचाही:  प्रधानमंत्री कृषि सिंचाई योजना के तहत राज्य बर स्वीकृत परियोजना मन ल नाबार्ड ले जल्‍दी मिलही राशि