डॉ. रमन सिंह

धर्मापुर संग 10 गाँव मन बर बनही समूह नलजल योजना: डॉ. रमन सिंह

रायपुर, 17 फरवरी 2018। मुख्यमंत्री डॉ. रमन सिंह ह आज राजनादगांव विकासखंड के सघन जनसम्पर्क भ्रमण के बेरा ग्राम धर्मापुर, बागतराई, भोथीपार खुर्द अऊ सुरगी म गांव वाले मन ले मुलाकात करिन अऊ जन सभा मन ल सम्बोधित करिन। उमन कई निर्माण काम मन के लोकार्पण, भूमिपूजन अऊ शिलान्यास घलोक करिन। डॉ. सिंह ह कहिन कि ग्राम धर्मापुर अऊ तीर-तखार के 10 गाँव मन म पेयजल योजना बर सर्वे करे जाही। पीएचई के अधिकारी शिवनाथ नदी ले लिफ्ट करके ए गाँव मन तक पानी पहुँचाए के योजना बनाहीं। उमन कहिन कि पेयजल संकट के स्थायी निदान बर शासन कोति काम करे जात हे। धीरी-मोहारा योजना घलोक ए दिशा म बड़े काम होय हे जऊन 47 गाँव मन के निवासि मन ल पेयजल के संकट ले स्थायी निदान देवाए म बड़का काम हे।

सौभाग्य योजना म अब ग्राम सुरगी के हर घर म पहुंचही बिजली
बागतराई म बनही बहुउद्देश्यीय आजीविका केंद्र
मुख्यमंत्री ह गांव मन के सघन दौरा म गांव वाले मन ल दीन जानकारी

ए अवसर म राज्य उर्दू अकादमी के अध्यक्ष श्री अकरम कुरैशी, जिला सहकारी केन्द्रीय बैंक के अध्यक्ष सचिन बघेल, राज्य खाद आयोग क सदस्य श्री अशोक चौधरी, राज्य गृह निर्माण मंडल के सदस्य श्री नरेश डाकलिया, राजगामी संपदा न्यास के पहिली अध्यक्ष श्री संतोष अग्रवाल, जनपद अध्यक्ष श्रीमती सरिता कन्नौजे, जिला पंचायत सदस्य श्रीमती मधु सुकृत साहू, पूर्व मंडी उपाध्यक्ष श्री कोमल सिंह राजपूत आदि उपस्थित रहिन।



मुहाचाही:  केन्द्रीय गृहमंत्री श्री राजनाथ सिंह रायपुर पहुंचिन, माना विमानतल म होइस आत्मीय स्वागत