नरेन्द्र मोदी

नरेन्द्र मोदी 16 फरवरी के दिन छात्र-छात्रा मन मेर गोठियाहीं

रायपुर, 13 फरवरी 2018। प्रधानमंत्री श्री नरेन्द्र मोदी ए महीना के 16 तारीक के दिन देश के स्कूली लइका मन अऊ कॉलेज मन के पढ़ईया लईका मन ल रेडियो अऊ टेलीविजन म सम्बोधित करहीं। आकाशवाणी अऊ दूरदर्शन केन्द्र मन ले ऊंखर एक घंटा के ए कार्यक्रम के प्रसारण बिहनिया 11 बजे शुरू होही। छत्तीसगढ़ सरकार के स्कूल शिक्षा विभाग ले संबंधित राज्य परियोजना कार्यालय, राजीव गांधी शिक्षा मिशन के माध्यम ले प्रदेश के सबो जिला शिक्षा अधिकारी मन, जिला शिक्षा अउ प्रशिक्षण संस्थान मन के प्राचार्य मन अऊ शिक्षा मिशन के जिला समन्वयक मन ल एखर बर परिपत्र जारी करे गए हे। राज्य परियोजना कार्यालय के परिपत्र म अधिकारी मन ल सबो सरकारी अऊ प्राइवेट शैक्षणिक संस्था मन म एखर बर जरूरी व्यवस्था सुनिश्चित करे के निर्देश देहे गए हे।



परिपत्र म बताइए गए हे कि ए कार्यक्रम ल देखे अऊ सुने बर लक्ष्य समूह म कक्षा 6वीं ले 12वीं तक के विद्यार्थी, सबो शिक्षक प्रशिक्षण संस्था मन म कार्यरत प्रशिक्षक अउ प्रशिक्षणार्थी, शाला प्रबंधन समिति के सदस्य, उच्‍च प्राथमिक ले लेके हायर सेकेण्डरी स्तर म कार्यरत सबो शिक्षक, अउ स्कूल शिक्षा विभाग के कार्यरत सबो अधिकारी, जे मन ल सरलग मॉनीटरिंग करना होथे, सामिल होहीं। कक्षा दसवी अउ बारहवी के विद्यार्थी बोर्ड परीक्षा मन के सेती अपन घरेच म ए कार्यक्रम ल देखहीं। ए कार्यक्रम ल देखे अउ सूने बर स्थल के निर्धारण स्थानीय सुविधा के अनुसार ए प्रकार करे जाए जेखर से कक्षा 6वीं ले 12वीं स्तर तक के शाला मन जिहां एक बड़े स्तर म एक संग या अलग-अलग कक्षा मन म सबो लइका मन ल टीवी ले देखे या रेडियो ले सुनने के व्यवस्था हो सकय। ए कार्यक्रम के बारे म व्यापक प्रचार-प्रसार अखबार अउ सोशल मीडिया के माध्यम ले करे के जरूरी निर्देश देहे गए हे, ताकि जादा ले जादा पढ़ईया लईका मन अउ पालक मन ल येला देखे बर प्रोत्साहित करे जा सकय। ए कार्यक्रम ल सफल बनाए बर आन विभाग मन के अधिकारी मन ले घलोक जरूरी सहयोग के अपेक्षा करे गए हे।


मुहाचाही:  आशा कार्यकर्ता मन करिन प्रधानमंत्री ले मुलाकात