अजय सिंह

पंचायत-नगरीय निकाय संवर्ग के शिक्षक संगठन मन के सुध लेइस सरकार

मुख्य सचिव के अध्यक्षता म समिति के पहली बैठक

रायपुर, 06 फरवरी 2018। राज्य शासन कोति ले पंचायत अऊ नगरीय निकाय संवर्ग के शिक्षक मन के मांग मन म विचार करे बर मुख्य सचिव के अध्यक्षता म गठित समिति के पहली बैठक आज इहां आयोजित करे गीस। मुख्य सचिव श्री अजय सिंह के अध्यक्षता म ये बैठक विधानसभा परिसर स्थित मुख्य समिति कक्ष म होइस। बैठक म निर्णय ले गीस कि ए संवर्ग के शिक्षक मन के सबो संगठन मन ले उंखर मांग मन के बारे म औचित्यपूर्ण अभिलेख मन के संग 15 दिन के भीतर पत्र आमंत्रित करे जाए। संबंधित संगठन मन के संग ए समय सीमा म ये पत्र संचालक पंचायत संचालनालय, इंद्रावती भवन नवा रायपुर ले भेजे जा सकत हे। उंखर कोति ले प्राप्त पत्र म समिति के आगामी बैठक उपर विचार करके उचित निराकरण करे जाही। बैठक म पंचायत अउ ग्रामीण विकास विभाग के अपर मुख्य सचिव श्री आर.पी. मंडल, वित्त विभाग के प्रमुख सचिव श्री अमिताभ जैन, स्कूल शिक्षा विभाग के प्रमुख सचिव श्री विकासशील, नगरीय प्रशासन अऊ विकास विभाग के आयुक्त डॉ. रोहित यादव, संचालक लोक शिक्षण श्री एस. प्रकाश, संचालक पंचायत श्री तारण सिन्हा अऊ आन संबंधित अधिकारी उपस्थित रहिन।



मुहाचाही:  ‘हरियर छत्तीसगढ़ अभियान‘ म औद्योगिक संस्था मन देही योगदान