अजय चन्द्राकर

पंचायत मंत्री ह पुस्तिका के करिस विमोचन

रायपुर, 06 फरवरी 2018। पंचायत अउ ग्रामीण विकास मंत्री अजय चन्द्राकर ह आज इहां विधानसभा स्थित अपन कक्ष म पंचायत विभाग कोति ले प्रकाशित पुस्तिका ‘खुशहाली आशियाने बसते घर, बदलती जिंदगी’ के पहिली संस्करण के विमोचन करिस। उल्लेखनीय हे कि ये पुस्तिका प्रधानमंत्री गृह योजना (ग्रामीण) कोति ले तैयार करे गए हे। योजना के तहत लाभार्थि मन के सुखद अनुभव मन ल ए पुस्तिका म संजोये गए हे। प्रधानमंत्री गृह योजना के तहत केन्द्र अऊ राज्य सरकार के सरलग उदीम ले ‘सभी बर आवास-वर्ष 2022 तक’ लक्ष्य के संग प्रदेश म उत्कृट गृह निर्माण करे जात हे।




राष्ट्रीय स्तर म साल 2022 तक सबला पक्का मकान देहे के लक्ष्य रखे गए हे। छत्तीसगढ़ म घलोक अवइया तीन बछर म 06 लाख 88 हजार परिवार ल मकान देवाए के उद्देश्य के संग सरलग गृह निर्माण के दिशा म उदीम होवत हे। अब तक 02 लाख 21 हजार मकान मन के निर्माण पूरा हो गए हे।
ए मौका म पंचायत अउ ग्रामीण विकास विभाग के अपर मुख्य सचिव श्री आर.पी. मंडल, सचिव श्री पी.सी. मिश्रा, स्वास्थ्य विभाग के प्रमुख सचिव श्री सुब्रत साहू, संचालक (प्रधानमंत्री ग्रामीण घर योजना-ग्रामीण) श्री अमृत विकास तोपने, स्वच्छ भारत मिशन-ग्रामीण के संचालक श्री भोस्कर बिलास संदीपन, संचालक (राष्ट्रीय ग्रामीण आजीविका मिशन) श्री दीपक सोनी, संचालक स्वास्थ्य सेवाएं श्रीमती रानू साहू अऊ प्रधानमंत्री घर योजना-ग्रामीण के उपायुक्त डॉ. सीमा मिश्रा संग आन अधिकारी उपस्थित रहिन।



मुहाचाही:  पंचायत मंत्री श्री अजय चन्द्राकर ले सेवानिवृत्त कर्मचारी ह करिस मुलाकात