डॉ. रमन सिंह

प्रधानमंत्री आवास योजना म छत्तीसगढ़ देश म सबले अव्वल

  • 3 लाख अऊ अकतहा घर के छत्तीसगढ़ ल मिलही स्वीकृति
  • छत्तीसगढ़ के मुख्यमंत्री डॉ. रमन सिह ह केन्द्रीय पंचायत अउ ग्रामीण मंत्री श्री नरेन्द्र सिह तोमर ले करिन मुलाकात

रायपुर, 25 अप्रेल 2018। छत्तीसगढ़ के मुख्यमंत्री डॉ. रमन सिह ह कहिन, कि प्रधानमंत्री आवास योजना के तहत छत्तीसगढ़ 6 लाख ले जादा आवास मन के निर्माण करइया देश म सवले अव्वल राज्य हे। उमन आज नई दिल्ली म केन्द्रीय पंचायत अउ ग्रामीण विकास मंत्री श्री नरेन्द्र सिह तोमर ले मुलाकात करिन। मुख्यमंत्री डॉ. रमन सिंह के माग म केन्द्रीय मंत्री ह प्रधानमंत्री आवास योजना के तहत 3 लाख अकतहा घर के स्वीकृति के भरोसा देवाइन। मुलाकात के समय मुख्यमंत्री के सचिव श्री सुबोध सिह घलोक उपस्थित रहिन।
मुख्यमंत्री डॉ. रमन सिह ह कहिन कि, राज्य के अइसन विकासखण्ड जऊन कि बारा मासी सड़क ले जोड़े जाय के योजना म छूट गये हे, उन विकासखण्ड मन ल घलोक योजना म सामिल करे जाये। मुख्यमंत्री के आग्रह म केन्द्रीय मंत्री ह तुरंते अधिकारी मन ल निर्देशित करके कहिन कि छत्तीसगढ़ म बांचे सबो विकासखण्ड ल बारा मासी सड़क मन ले जोड़े जाय के योजना म सामिल करे जाए। केन्द्रीय मंत्री ह कहिन कि, छत्तीसगढ़ म ग्रामीण विकास ले संबंधित सबो कार्य ल जल्दी पूरा करे जाय के दिशा म केन्द्र हर संभव मदद करही।


मुहाचाही:  केन्द्रीय गृहमंत्री श्री राजनाथ सिंह रायपुर पहुंचिन, माना विमानतल म होइस आत्मीय स्वागत