Success Stories Success story बेमेतरा

प्रधानमंत्री आवास योजना : भाईराम ल मिलीस पक्का छत

बेमेतरा, 07 मई 2018। हर मनखे के एक सपना होथे के अपन परिवार के मूड़ के छांव बर ओखर खुद के आवास होवय। जनता के इही सपना ल सरकार कोति ले साकार करे जात हे। 70 साल के सियान भाईराम अब खुद के पक्का मकान म रहिके सुख के नींद लेवत हे। प्रधानमंत्री आवास योजना (ग्रामीण) गरीब परिवार मन बर लाभकारी सिद्ध होवत हे। शासन के ए महती योजना ले लाभान्वित बेमेतरा जिला के नवागढ़ विकासखंड के ग्राम कंवराकांपा निवासी भूमिहीन भाईराम वर्मा के पक्का मकान के सपना प्रधानमंत्री आवास योजना ले साकार होए हे। शासन के ए योजना ले लाभ पाके श्री भाईराम बहुत मगन हे।




आप मन जानतेच होहू के मेहनत मजदूरी ले जीवन यापन करइया इंखर परिवार पहिली खपरा छांधी के कच्चा आवास म रहत रहिन। इंखर परिवार के सदस्य मन ह कभू सपना म घलोक नइ सोचे रहिन कि उंखर खुद के एक पक्का मकान होही। अब उंखर सपना प्रधानमंत्री ग्रामीण आवास योजना के सेती ले सिरतोन बन गीस। माटी के भिथिया अऊ खपरा के छांनी वाले मकान म रहइया श्री भाईराम अब सीमेंट कांक्रीट के छत वाले मकान के मालिक बन गीस। आवास बनाए बर ओ मन ल एक लाख 48 हजार रुपए के राशि स्वीकृत करे गए रहिस। ऊंखर आवास म शौचालय घलोक बने हे। उमन केन्द्र अउ राज्य शासन के ए संग्‍धर योजना के बारे म बतात कहिन कि हमार जइसे गरीब परिवार के मनखे मन बर ये योजना अड़बड़ सुग्‍धर सहारा बन के आए हे, जेखर सेती हमला पक्का मकान मिले हे। भाईराम ह प्रधानमंत्री अउ मुख्यमंत्री ल प्रधानमंत्री आवास योजना अंतर्गत पक्का आवास देहे म आभार व्यक्त करे हें।


मुहाचाही:  दिन के सूरूज ले रात ल रोशनी