केदार कश्यप डॉ. रमन सिंह नारायणपुर

बस्तर के संस्कृति ल प्रदर्शित करत दृश्य मन के मंत्री ह करिस प्रशंसा

नारायणपुर (छत्तीसगढ़) 14 मई 2018। आदिम जाति कल्याण मंत्री श्री केदार कश्यप ह जिला मुख्यालय नारायणपुर के तिर ग्राम पंचायत माहका म इन्डोर स्टेडियम के पूरा विधि विधान के संग पूजा अर्चना करके लोकार्पण करिस। ए बेरा म मंत्री श्री केदार कश्यप ह कहिन कि ए स्टेडियम ले खेल-खिलाड़ी मन बर एक अच्छा मंच स्थापित होही। अवइया दिन मन म ए स्टेडियम म बैडमिंटन, व्हालीबाॅल अऊ बास्केटबाॅल के बड़े आयोजन घलोक होही। मंत्री श्री कश्यप ह स्टेडियम के भीतर के भिथिया मन म कई ठन खेल अऊ बस्तर के संस्कृति ल प्रदर्शित करत दृश्य मन के प्रशंसा करिन। ए अवसर म कलेक्टर श्री टोपेश्वर वर्मा, सीईओ जिला पंचायत श्री अशोक चौबे, एसडीएम श्री दिनेश नाग, कार्यपालन अभियंता लोक निर्माण विभाग श्री एफ टोप्पो के संगे संग क्षेत्र के जनप्रतिनिधी अऊ पंचायत प्रतिनिधी उपस्थि रहिन।
विभागीय अधिकारी मन ह बताइन कि माहका म इन्डोर स्टेडियम बर 7 एकड़ जमीन आवंटित करे गए रहिस। जेखर प्लिंथ एरिया भूतल अउ पहिली तल मिलाके 42 हजार 599 वर्ग फीट हे। इन्डोर मैदान के आकार 170 फीट बाई 93 फीट मने 15800 वर्ग फीट हे। स्टेडियम म भूतल म 20 कमरा अऊ पहिली तल म 6 कमरा के निर्माण करे गए हे। जेमां जिसम, डोरमेट्री, थिरावन कक्ष, अतिथि कक्ष, चिकित्सा अउ डायनिंग के संग आन रूम सामिल हे। ये मां पांच बैडमिंटन, एक-एक बास्केटबाल अऊ बाॅलीबाल के कोर्ट बनाय गए हे। भूतल अऊ पहिली तल म करीबन 5 हजार मनखे के बइठे के व्यवस्था हे।

मुहाचाही:  धर्मेन्द्र कुमार घलोक कर सकही अपन गांव के गली मन के सैर