Desh

भारी बारिश के चेतावनी, हिमाचल अउ उत्तराखंड म स्कूल-कॉलेज बंद

मौसम विभाग कोति ले अवइया 48 घंटा म उत्तराखंड अऊ हिमाचल म भारी बारिश के चेतावनी दे गए हे। जेखर बाद हिमाचल प्रदेश के कांगड़ा जिला म आज स्कूल-कॉलेज समेत सबो शैक्षणिक संस्थान मन ल बंद रखे गीस। उन्‍हें भारी बारिश के अलर्ट ल लेके मंडी के पधार सब-डिवीजन के अंतर्गत अवइया सबो स्कूल मन ल बंद रखे के निर्देश दे गए हे।
मौसम विज्ञान केंद्र ह 24 अऊ 25 अगस्त के दिन छै जिला मन म भारी ले बहुत भारी बारिश के चेतावनी जारी करे हे। संगेच संबंधित जिला प्रशासन अऊ आपदा प्रबंधन इकाई ल सतर्क रहे बर कहे हे। अवइया दू दिन तक बारिश के सिलसिला जारी रहिही।
मौसम विज्ञान केंद्र ह ए दौरान एक दिन म 204 एमएम बारिश होए के अनुमान लगाए हे। मौसम विज्ञान केंद्र के निदेशक बिक्रम सिंह ह बताइस कि अवइया दू दिन बारिश जारी रइही। देहरादून, हरिद्वार, पौड़ी, नैनीताल, ऊधमसिंहनगर अऊ चंपावत म अवइया 48 घंटा भारी ले बहुत भारी बारिश के आशंका हे। एला लेके चेतावनी जारी करे गए हे।
उन्‍हें, हेमकुंड समेत चारों धाम बर घलोक चेतावनी जारी करे गए हे। मौमस विज्ञान केंद्र के अनुसार, 26 अगस्त के दिन कुछ देर मौसम खुल सकत हे। एती, राजधानी म पाछू दू दिन ले सरलग बरसा होवत हे। एखर से तापमान म गिरावट आए हे।

मुहाचाही:  एक दूसर बर प्रेम अऊ त्याग के सन्देश देथे ईद-उल-अजहा