डॉ. रमन सिंह

भिलाई म गरीब श्रमिक परिवार मन ल मिलही प्रधानमंत्री आवास

एच.एस.सी.एल. श्रमिक मन ल स्थायी करे के मांग

रायपुर, 8 अगस्त 2018। मुख्यमंत्री डॉ. रमन सिंह ह आज नई दिल्ली म केन्द्रीय इस्पात मंत्री चौधरी वीरेन्द्र सिंह ले मुलाकात करिन। उमन श्री सिंह ल छत्तीसगढ़ के भिलाई स्टील प्लांट के ठेका श्रमिक मन (एचएससीएल) के नियमितिकरण अऊ टाऊनशिप म प्रधानमंत्री आवास योजना के तहत गरीब परिवार मन के मकान निर्माण बर जमीन आवंटित करे के आग्रह करत ज्ञापन सउंपिन। ए अवसर म छत्तीसगढ़ के उच्‍च शिक्षा अऊ राजस्व मंत्री श्री प्रेमप्रकाश पांडे घलोक उपस्थित रहिन।




मुख्यमंत्री ह केन्द्रीय मंत्री ल बताइस कि भिलाई स्टील प्लांट म 1979 ले कार्यरत एच.एस.सी.एल. श्रमिक मन ल स्थायी श्रमिक मन के जइसे पूरा काम लेहे जात हे । दुर्गापुर , राउरकेला अऊ बोकारो आदि इस्पात संयंत्र मन म अइसन श्रमिक मन ल स्थायी करे जा चुके हे, फेर भिलाई इस्पात संयंत्र म ये मामला अभी लंबित हे। उमन श्री वीरेन्द्र सिंह ले अइसन श्रमिक मन ल नियमित करे के आग्रह करिन। बैठक म श्री प्रेम प्रकाश पांडे ह बीएसपी टाउनशिप म आवास विहीन गरीब परिवार मन बर प्रधानमंत्री आवास योजना के तहत 10 एकड़ जमीन आवंटन कराए के आग्रह घलोक करिन। उमन कहिन कि आवंटित होवइया जमीन म पहिली ले ही निवासरत फेर सुविधाविहीन निर्धन रहवासि मन ल मकान बनवाके देना जाही। केन्द्रीय मंत्री ह ए मा सकारात्मक रूख देखात कहिन कि ए संबंध म अगले हफ्ता वो राज्य सरकार अऊ बीएसपी प्रबंधन के एक बैठक बलाके निर्णय लीहीं।
बैठक म बीएसपी क्षेत्र म सामाजिक संगठन मन के लीज के नवीनीकरण, शासकीय महाविद्यालय खुर्सीपार के जमीन के आवंटन अऊ व्यापारी मन के प्रापर्टी टैक्स के बारे म घलोक चर्चा करे गीस। बैठक म मुख्यमंत्री के सचिव श्री सुबोध कुमार सिंह, आवासीय आयुक्त श्री संजय ओझा, मुख्यमंत्री के सलाहकार श्री विक्रम सिसोदिया, अऊ विशेष कर्त्तव्यस्थ अधिकारी श्री अरूण बिसेन घलोक उपस्थित रहिन।

मुहाचाही:  भारत महोत्सव म हिस्सा लेवइया आरूग बैंड के कलाकार मन ह मुख्यमंत्री ले करिन सौजन्य मुलाकात