रायपुर

मंत्रालय के सुरक्षा म लगे सुरक्षाकर्मी मन के इमानदारी के मिसाल

रायपुर, 25 अप्रैल 2018। मंत्रालय के सुरक्षा म लगे सुरक्षाकर्मी पुलिस के जवान मन ल काल 24 अप्रैल के दिन मंत्रालय के मुख्य गेट नम्बर चार के बाहिर एक काला रंग के बैग मिले रहिस। जेमां कई ठन शासकीय कागद मन के संगेच डेढ़ लाख रूपिया नगद राशि रहिस। सुरक्षाकर्मी मन ह खोजबीन करके बैग ल ओखर मालिक ल सएंप दीन। बैग जल संसाधन विभाग के बैठक म सामिल होवइया खड़गवा कोरिया के अनुविभागीय अधिकारी जल संसाधन श्री अगस्टीन टोप्पो के रहिस। बैठक म सामिल होए पहुंचे श्री टोप्पो ह वो बैग ल मंत्रालय के बाहिर भुला गए रहिस। मुख्य सुरक्षा अधिकारी मंत्रालय श्री एन.एल. करोडिया ह श्री अगस्टीन टोप्पो ल ओखर समान सौंपिन। ए दौरान प्लाटून कमांडर श्री अशोक सिंह संग आन सुरक्षाकर्मी उपस्थित रहिन।


मुहाचाही:  प्रधानमंत्री ह नवा रायपुर स्मार्ट सिटी म करिन एकीकृत कमांड अउ नियंत्रण केन्द्र के लोकार्पण