Uncategorized

मदरसा मन बर सरकार विशेष ध्‍यान देही

रायपुर, 08 मार्च 2018। मुख्य सचिव श्री अजय सिंह के अध्यक्षता म आज इहां मंत्रालय म अल्पसंख्यक कल्याण बर प्रधानमंत्री के नवीन पंद्रह सूत्रीय कार्यक्रम के क्रियान्वयन अउ उंखर समीक्षा बर राज्य स्तरीय समिति के बैठक पूरा होइस। बैठक म जगदलपुर के श्रीमती रोशन सिसोदिया, भिलाई के श्री हीरा सिंग, रायपुर के श्रीमती सुमन मुथा, जशपुर के श्री राजू बरवा अऊ जशपुर के ही श्री महबूब अंसारी विशेष रूप ले उपस्थित रहिन। बैठक म जशपुर जिला के पांच विकासखण्ड जशपुर, मनोरा, दुलदुला, कुनकुरी, कासाबेल विकासखण्ड मुख्यालय म स्थित मदरसा मन म साल 2017-18 म होए 21 करोड़ 82 लाख 82 हजार रूपिया के विकास कार्य मन के कार्योत्तर अनुमोदन प्राप्त करे गीस।





बैठक म निर्णय ले गीस कि राज्य म संचालित होवत पंजीकृत भवन विहीन मदरसा मन के भवन के निर्माण बर जमीन देहे बर जिला कलेक्टर मन ल पत्र लिखे जाही। पंजीकृत मदरसा मन के नियमित संचालन के जानकारी के बाद ही शिक्षक मन ल वेतन अउ मदरसा मन ल आन सुविधा देहे जाएंगी। नियमित संचालित होवत मदरसा म फर्नीचर, पढ़ईया लईका मन बर कम्प्यूटर अउ गणवेश के व्यवस्था बर जरूरी कार्रवाई करे जाही।
बैठक म अपर मुख्य सचिव गृह, जेल अउ परिवहन, श्री बी.व्ही.आर. सुब्रह्मण्यम, अपर मुख्य सचिव पंचायत अउ ग्रामीण विकास श्री आर.पी. मण्डल, प्रमुख सचिव वित्त श्री अमिताभ जैन, प्रमुख सचिव सामान्य प्रशासन अउर स्कूल शिक्षा श्री विकासशील, सचिव नगरीय प्रशासन डॉ. रोहित यादव, विशेष सचिव आदिम जाति, अनुसूचित जाति, पिछड़ा वर्ग अउर अल्पसंख्यक कल्याण विकास विभाग श्रीमती रीना बाबा साहेब कंगाले संग आन वरिष्ठ अधिकारी मौजूद रहिन।



मुहाचाही:  मुख्यमंत्री ह प्रसिद्ध लेखक अउ पर्यावरणविद अनुपम मिश्र के निधन म शोक प्रकट करिस