डॉ. रमन सिंह नारायणपुर विकास यात्रा

मनखे मन ले मिले बिना नइ मिलय संतुष्टि: डॉ. रमन सिंह

केशकाल ल उद्यान अऊ मिनी स्टेडियम बर मिलीस 40 लाख रूपिया के सौगात

रायपुर, 14 मई 2018/मुख्यमंत्री डॉ. रमन सिंह आज विकास यात्रा के तीसर दिन चौदहवां पड़ाव म कोण्डागांव जिला के केशकाल पहुंचिन। उमन उहां जनसभा ल संबोधित करत कहिन कि जब तक मैं मनखे मन ले नइ मिलहूं, संतुष्टि नइ मिलय। इही खातिर मैं विकास यात्रा म घलोक जनता ले सीधा मिलत हावंव। उमन कहिन – किसान मन बर 1700 करोड़ रुपया के धान बोनस बांटे अऊ प्रदेश के लोगन ल 30 हजार करोड़ रुपया के विकास काम मन के सौगात देहे, मैं विकास यात्रा म निकले हंव। डॉ. सिंह ह कहिन के अवइया 5 बछर म छत्तीसगढ़ देश के नंबर वन राज्य बनही। चार महीना के भीतर बस्तर के संगें संग पूरा प्रदेश म कोनो घर म अंधियार नइ रहय। प्रधानमंत्री सहज बिजली हर घर योजना (सौभाग्य योजना) के तहत सबो घर ल रोशन कर दे जाही। डॉ. सिंह ह केशकाल म उद्यान अऊ मिनी स्टेडियम के निर्माण बर 40 लाख रूपिया के स्वीकृति के घोषणा घलोक करिन।
मुख्यमंत्री ह कहिन कि विकास यात्रा म मनखे मन के अपार समर्थन अऊ सहयोग मिलत हे। महिला, बुजुर्ग, युवा सबो विकास यात्रा म सहभागी बनत हें, ये अभूतपूर्व हे। उमन कहिन कि जब कोंडागांव जिला बने रहिस, तब मनखे संदेह व्यक्त करत रहिन ये कइसे विकसित होही। आज कोंडागांव म जिला मुख्यालय के सबो आधारभूत संरचना विकसित हो गए हे।
मुख्यमंत्री डॉ. रमन सिंह ह जनसभा म अमर शहीद गेंदसिंह, गुंडाधूर अऊ शहीद वीर नारायण सिंह ल सुरता करिन। उमन विकास यात्रा के चर्चा करत कहिन कि पाछू पंद्रा बछर म छत्तीसगढ़ के विकास म जनता के भागीदारी सुनिश्चित करे गए हे। हमर सरकार ल प्रदेश के जनता ह विकास करे के अवसर देहे हे। हम विकास करके देखा देन। विकास के रफ्तार घलोक बाढ़े हे। सड़क, रेल अऊ एयर कनेक्टीविटी घलोक बाढ़े हे। छत्तीसगढ़ देश म शिक्षा अऊ ऊर्जा के हब बन गए हे।
मुख्यमंत्री ह कहिन कि वनवासी देवी देवता मन के समान होथें। ऊंखर दर्शन ले ओ मन ल सुकून मिलथे अऊ विकास करे के प्रेरणा मिलथे। केशकाल के सभा ल लोक सभा सांसद श्री विक्रम उसेंडी अऊ उच्‍च शिक्षा मंत्री श्री प्रेमप्रकाश पांडे ह घलोक संबोधित करिन।

मुहाचाही:  मुख्यमंत्री ले श्री माहेश्वरी पंचायत के प्रतिनिधि मंडल ह करिस मुलाकात