बलौदा बाजार

मनरेगा के तहत सिमगा जनपद ल 48 लाख 25 हजार रूपिया

बलौदा बाजार-भाटापारा, 14 फरवरी 2018। कलेक्टर श्री राजेश सिंह राणा ह महात्मा गांधी राष्ट्रीय रोजगार गारंटी योजना के तहत कई ठन कार्य मन बर जनपद पंचायत सिमगा बर 48 लाख 25 हजार रूपिया के प्रशासकीय स्वीकृति प्रदान करे गए हे। जेमां ग्राम भालेसुर म डबरी तालाब म सौंदर्यीकरण अउ ग्राम भोथाडीह म चिलकाहा तालाब म सौन्दर्यीकरण काम बर 9 लाख 38 हजार रूपिया, ग्राम भोथाडीह म पैठू तालाब अउ बड़े तालाब म पचरी निर्माण काम बर एक लाख 49 हजार पांच सौ रूपिया, ग्राम सुहेला म टारनाली, गहरीकरण काम हनुमान मंदिर ले बड़े तालाब तक बर 5 लाख 53 हजार रूपिया, सिंचाई बांध तालाब गहरीकरण अउ पचरी निर्माण अउ थाना परिसर तीर तालाब गहरीकरण बर 7 लाख 19 हजार रूपिया, हिरमी मोड़ तीर तालाब गहरीकरण काम बर 6 लाख 59 हजार रूपिया के प्रशासकीय स्वीकृति जारी करे गए हे।



मुहाचाही:  मुख्यमंत्री ह बलौदाबाजार म करिन 964 करोड़ के 79 काम के लोकार्पण-भूमिपूजन