केदार कश्यप

माध्यमिक शिक्षा मण्डल के परीक्षा के नतीजा एक संग पहली पइत घोषित

  • हायर सेकेण्डरी परीक्षा म 79.40 प्रतिशत बालिका मन अऊ 74.45 बालक उत्तीर्ण
  • हाईस्कूल परीक्षा म 69.44 प्रतिशत बालिका मन अऊ 66.42 प्रतिशत बालक उत्तीर्ण
  • स्कूल शिक्षा मंत्री श्री कश्यप ह करिन नतीजा के घोषणा

रायपुर, 9 मई 2018। स्कूल शिक्षा अऊ आदिम जाति विकास मंत्री श्री केदार कश्यप ह आज राजधानी रायपुर स्थित छत्तीसगढ़ माध्यमिक शिक्षा मण्डल के कार्यालय म साल 2018 के हाईस्कूल सर्टिफिकेट मुख्य परीक्षा (कक्षा-दसवीं) अऊ हायर सेकेण्डरी सर्टिफिकेट मुख्य परीक्षा (कक्षा-बारहवीं) के नतीजा घोषित करिन। ये पहली पइत हे जब दुनों परीक्षा मन के नतीजा एक संग घोषित करिन। श्री कश्यप ह कम्प्यूटर के बटन दबाके अऊ बुकलेट प्रदर्शित करके परिणाम जारी करिन। श्री कश्यप ह सबो उत्तीर्ण छात्र-छात्रा मन ल बधाई दीन अऊ ऊंखर उज्ज्वल भविष्य के कामना करिन। उमन कहिन ए परीक्षा म फेल लईका मन ल मायूस झन होवंय अऊ कड़ा मेहनत कर के फेर उदीम करंय। मण्डल कोति ले आयोजित हायर सेकेण्डरी व्यावसायिक परीक्षा साल 2018 म कुल 1859 परीक्षार्थी पंजीकृत होइन, एमां ले 1849 परीक्षार्थी परीक्षा म संघरिन, जेमा ले 1130 बालक अउ 719 बालिका हें, एमां ले कुल 04 परीक्षार्थि मन के परिणाम कई ठन कारन ले रोक/निरस्त कर देहे गइस। उत्तीर्ण परीक्षार्थि मन के कुल संख्या 1740 हे जऊन सम्मिलित परीक्षार्थि मन के संख्या के 94.30 प्रतिशत हे।




कक्षा दसवीं के हाईस्कूल सर्टिफिकेट मुख्य परीक्षा साल 2018 म कुल नियमित 3 लाख 88 हजार 566 परीक्षार्थी पंजीकृत होइन। एमां ले 3 लाख 81 हजार 737 परीक्षार्थी परीक्षा म सम्मिलित होइन। एमां एक लाख 76 हजार 547 बालक मन के संग 2 लाख 05 हजार 190 बालिका सामिल रहिन। एमां ले उत्तीर्ण परीक्षार्थि मन के संख्या 2 लाख 58 हजार 573 हे। ए प्रकार परिणाम 67.74 प्रतिशत रहिस। उत्तीर्ण बालिका मन के प्रतिशत 69.44 अउ बालक मन के 66.42 प्रतिशत हे।



पूरा समाचार आप संवाद के बेवाईट म ये कड़ी ले पढ़ सकत हवव।

मुहाचाही:  अ.ज.जाति अऊ अ.जाति वर्ग के 22 समूह मन के उच्चारण विभेद मन ल मान्य करे के निर्णय