डॉ. रमन सिंह

मुख्यमंत्री अचानक पहुंचिन कवर्धा : जनप्रतिनिधि मन ले करिन मुलाकात

साल 2018-19 के राज्य के बजट ल विकास के गति बढ़इया बताइन
कबीरधाम जिला के झलमला अऊ कुईकुकदूर म नवीन महाविद्यालय अऊ स्नातकोत्तर महाविद्यालय कवर्धा ल आदर्श महाविद्यालय बनाए के प्रस्ताव मन बर मुख्यमंत्री ल दीन धन्यवाद

रायपुर, 11 फरवरी 2018। मुख्यमंत्री डॉ. रमन सिंह आज शहडोल जिला के ब्यौहारी ले रायपुर लहुटत अचानक अपन गृह नगर कवर्धा पहुंचिन, जिहां हेलीपेड म स्थानीय जनप्रतिनिधि मन ह उंखर आत्मीय स्वागत करिन। ए दौरान लोक सभा सांसद श्री अभिषेक सिंह घलोक उपस्थित रहिन। ए अवसर म बड़ संख्या म उपस्थित जनप्रतिनिधि मन ह मुख्यमंत्री ले काल विधानसभा म प्रस्तुत करे गए साल 2018-19 के बजट के स्वागत करत एला प्रदेश के विकास ल अऊ जादा गति प्रदान करइया बताइन। आप मन ल बता देवन कि ए साल के बजट म कबीरधाम जिला बर घलोक कई विकासमूलक प्रावधान मन ल सामिल करे गए हे। कबीरधाम जिला के आदिवासी अंचल म नवा महाविद्यालय खोले के प्रस्ताव घलोक बजट म सामिल करे गए हे।




बोड़ला विकासखण्ड के झलमला अऊ पंडरिया विकासखण्ड के कुईकुकदूर म नवीन महाविद्यालय चालू करे अऊ स्नातकोत्तर महाविद्यालय कवर्धा ल आदर्श महाविद्यालय के रूप म विकसित करे के प्रावधान बजट म सामिल करे गए हे। ए प्रस्ताव मन बर जनप्रतिनिधि मन ह मुख्यमंत्री के प्रति आभार प्रकट करिस। ए अवसर म संसदीय सचिव श्री मोतीराम चंद्रवंशी, कवर्धा विधायक श्री अशोक साहू, छत्तीसगढ़ राज्य पिछड़ा वर्ग आयोग के अध्यक्ष डॉ. सियाराम साहू, जिला पंचायत कबीरधाम के अध्यक्ष श्री संतोष पटेल, नगरपालिका कवर्धा के अध्यक्ष श्रीमती देवकुमारी चंद्रवंशी, जनपद पंचायत कवर्धा के अध्यक्ष श्रीमती ज्योति चंद्राकर संग बड़ी संख्या म जनप्रतिनिधि अऊ नागरिक उपस्थित रहिन। मुख्यमंत्री कुछ समय कवर्धा म रूके के बाद रायपुर बर रवाना हो गे।



मुहाचाही:  हाईस्कूल के उन्नयन के घोषणा म लइका मन ह मुख्यमंत्री ल दीन धन्यवाद