Yojana

मुख्यमंत्री उच्‍च शिक्षा ऋण ब्याज अनुदान योजना

तकनीकी अउ व्यावसायिक शिक्षा पाठ्यक्रम मन म प्रवेश लेहे म आर्थिक रूप ले कमजोर परिवार मन के पढ़ईया लईका मन शासन कोति ले दे जात बिना ब्याज के करजा

मुख्यमंत्री उच्‍च शिक्षा ऋण ब्याज अनुदान् योजना (2012 ले संचालित) ले तकनीकी अउ व्यावसायिक शिक्षा पाठ्यक्रम मन म प्रवेश लेवइया आर्थिक रूप ले कमजोर परिवार मन के छात्र मन बर राज्य शासन कोति ले जिला म ब्याज रहित ऋण प्रदान करे जात हे अउ शिक्षा ऋण के ब्याज राशि ल शासन कोति ले अनुदान केवल एक पइत पहिली पाठ्यक्रम बर प्रदान करे जात हे, जेखर से छात्र उच्‍च शिक्षा प्राप्त करके अपन उज्जवल भविष्य के तरफ अग्रेषित हो सकंय।
शासकीय पॉलीटेक्निक कॉलेज के प्राचार्य ह बताइस कि ए योजना बर तकनीकी शिक्षा विभाग नोडल विभाग हे अउ केनरा बैक ब्याज अनुदान के दावा मन बर नोडल बैक हे। ए योजना बर छात्र छत्तीसगढ़ के कोनो सार्वजनिक या निजी बैक ले शिक्षा ऋण प्राप्त कर सकत हे। शिक्षा ऋण के अधिक सीमा 4 लाख रूपिया हे। योजना के पात्रता बर छात्र छत्तीसगढ़ के मूल निवासी हो, कुटुंब के वार्षिक आय अधिकतम 2 लाख रूपिया अउ पाठ्यक्रम छत्तीसगढ़ राज्य मे स्थापित (एआईसीटीई, यूजीसी ले मान्यता प्राप्त) अउ राज्य ले बाहिर अधिसूचित शैक्षणिक संस्थान म प्रवेशित होवय।
एखर अलावा डिप्लोमा, स्नातक अउ स्नातकोत्तर के पाठ्यक्रम के सूची म इंजीनियरिग के अंतर्गत (डिप्लोमा ए इंजीनियरिंग., मार्डन आफिस मेनेजमेंट, इन्टीरियर डिजाईन, आर्किटेक्चर, बी.ई/बी.टेक., एम.ई./एम.टेक.), एम.बी.ए., मेडिकल के अंतर्गत (एम.बी. बी.एस., बी.एच.एम.एस., बी.ए.एम.एस., बी.एन.वाई.एस., बी.यू.एम.एस., बी.डी.एस., एम.डी.एस., बेसिक नर्सिग, पोस्ट बेसिक नर्सिग), डी.फार्मा, बी.फार्मा., एम.फार्मा., फिशरी साईंस, बी.एग्री., एजुकेशन (बी.एड., डी.एड., एम.एड,.बी.पी एड., एम.पी.एड.) एम.से.ए., पी.जी.डी.से.ए. सामिल हे। योजना ले सबंधित जानकारी बर संचालनालय तकनीकी शिक्षा छत्तीसगढ़ के वेबसाईट के अवलोकन कर सकत हें। जरूरी पूछताछ बर प्राचार्य शासकीय पॉलीटेक्निक महासमुंद या दूरभाष नंबर 8839083993, 9340958060 ले सम्पर्क कर सकत हें।



मुहाचाही:  अध्ययन भ्रमण म पहुंचिन बिलासपुर, राजनांदगांव अऊ गरियाबंद के पंच-सरपंच