डॉ. रमन सिंह

मुख्यमंत्री के पहल म छत्तीसगढ़ के तीर्थ यात्री मन बर श्रवणबेलगोला जाही विशेष ट्रेन

सकल जैन समाज ह मुख्यमंत्री ल दीन धन्यवाद

रायपुर, 17 फरवरी 2018। मुख्यमंत्री डॉ. रमन सिंह ले आज इहां विधानसभा परिसर स्थित ऊंखर कक्ष म अखिल भारतीय शाकाहार परिषद अउ सकल जैन समाज भिलाई-दुर्ग के प्रतिनिधि मंडल ह सौजन्य मुलाकात करिन। उमन जैन धर्म के कर्नाटक स्थित सुप्रसिद्ध तीर्थ स्थल श्रवण बेलगोला बर विशेष ट्रेन भेजे के मुख्यमंत्री के निर्णय बर ऊंखर प्रति आभार प्रकट करिन। आप मन जानतेच होहू के श्रवण बेलगोला म ए महिना के 17 ले 25 तारीक तक भागवान बाहुबली के महामस्तिका अभिषेक समारोह आयोजित करे जात हे। जेमां छत्तीसगढ़ ले घलोक बड़ संख्या म तीर्थयात्री जाथें। मुख्यमंत्री कोति ले प्रदेश के तीर्थ यात्री मन के सुविधा बर विशेष ट्रेन भेजे के निर्णय लेहे गीस। ये ट्रेन बिलासपुर रेल्वे स्टेशन ले अवइया हफ्ता के चालू म रवाना होही। प्रतिनिधि मंडल म सकल जैन समाज भिलाई-दुर्ग के संयोजक श्री पवन जैन संग सर्वश्री प्रदीप जैन बाकलीवाल, भाखचंद जैन अऊ श्री विजय जैन संग समाज के बहुत अकन पदाधिकारी अऊ सदस्य सामिल रहिन।



मुहाचाही:  मुख्यमंत्री ह करिस प्रदेश के पहिली धनुषाकार पुल के लोकार्पण