डॉ. रमन सिंह

मुख्यमंत्री के बहुत अकन प्रस्ताव मन ल रेल मंत्री ह दीन सैद्धांतिक मंजूरी

दुर्ग-कटघोरा-मुंगेली-कवर्धा-डोंगरगढ़ रेल लाइन के विस्तृत परियोजना प्रतिवेदन ल जल्दी मिलही मंजूरी
छत्तीसगढ़ म 17 रेल्वे ओव्हर ब्रिज-अंडरब्रिज मन बर सैद्धांतिक स्वीकृति
सात रेल्वे स्टेशन मन के पुनर्विकास के प्रस्ताव घलोक मंजूर

रायपुर 08 अगस्त 2018। मुख्यमंत्री डॉ. रमन सिंह ह आज नई दिल्ली म रेल मंत्री श्री पीयूष गोयल के संग बैठक म छत्तीसगढ़ म रेल नेटवर्क अऊ यात्री सुविधा मन के विकास अऊ विस्तार बर कई प्रस्ताव मन उपर गहन विचार-विमर्श करे गीस। मुख्यमंत्री के ए प्रस्ताव मन म ले कई प्रस्ताव मन ल श्री गोयल ह सकारात्मक दृष्टिकोण अपनात सैद्धांतिक रूप ले तुरंते अपन मंजूरी दे दीन। एमां ले सात रेलवे स्टेशन मन के उन्नयन के प्रस्ताव घलोक सामिल हे, जेला श्री गोयल ह सैद्धांतिक स्वीकृति प्रदान कर दीन। उमन डॉ. रमन सिंह के आग्रह म छत्तीसगढ़ म 17 रेल्वे ओव्हर ब्रिज अऊ रेल्वे अंडर ब्रिज मन के निर्माण बर घलोक अपन सहमति अऊ स्वीकृति तुरंते दे दीन। श्री गोयल ह कहिन कि सबो प्रस्ताव म रेल मंत्रालय कोति ले सर्वेक्षण जल्दी शुरू करवाए जाही।




श्री गोयल ह रेल मंत्रालय के अधिकारी मन ल दुर्ग – कटघोरा – मुंगेली – कवर्धा – डोगंरगढ़ रेल लाईन के विस्तृत परियोजना प्रतिवेदन अऊ सी.सी.ई.ए. के जल्दी स्वीकृति देहे के निर्देश दीन । उमन दुर्ग, रायगढ़, कोरबा, पेंड्रारोड़, डोंगरगढ़, भिलाई अउ अंबिकापुर रेलवे स्टेशन मन के पुनर्विकास अऊ बीकानेर-बिलासपुर ट्रेन ल दुर्ग तक बढ़ाए अउ विशाखापट्नम-जगदलपुर स्पेशल ट्रेन ल सामान्य किराया म नियमित ट्रेन के रुप म चलाय के घलोक स्वीकृति प्रदान कर दीन।
बैठक म रेल मंत्री श्री गोयल ह छत्तीसगढ़ के जऊन 17 रेलवे ओवरब्रिज/रेलवे अंडरब्रिज के निर्माण प्रस्ताव मन ल सैद्धांतिक रूप ले स्वीकार कर लीन, ओमां रायगढ़ रेल मार्ग म कोतरलिया, किरोड़ीमलनगर, भूपदेवपुर, रॉबर्टसन अउ खरसिया यार्ड घलोक सामिल हे। बैठक म मुख्यमंत्री ह छत्तीसगढ ले लखनऊ, पटना, पुणे, जम्मू, कन्याकुमारी अऊ तिरूनंतपुरम बर सुपरफास्ट रेल सेवा चालू करे के मांग करिन। उमन राजनांदगांव, तिल्दा अऊ भाटापारा म ट्रेन मन के स्टापेज अऊ रायगढ़, डोंगरगढ़ अऊ अंबिकापुर म कोचिंग टर्मिनल चालू करे के आग्रह करिन। बैठक म रेल मंत्रालय अऊ छत्तीसगढ़ शासन के वरिष्ठ अधिकारी उपस्थित रहिन।

मुहाचाही:  मुख्यमंत्री ह ट्रिपल-आईटी म करिस परमाणु वैज्ञानिक डॉ. भाभा के नाम म निर्मित छात्रावास के लोकार्पण