कोरबा डॉ. रमन सिंह विकास यात्रा

मुख्यमंत्री के संग कटघोरा क्षेत्र के जनता ह शहीद जवान मन ल दीन श्रद्धांजलि

कटघोरा, 20 मई 2018। मुख्यमंत्री डॉ. रमन सिंह ह आज प्रदेश व्यापी विकास यात्रा के बेरा म कोरबा जिला के तहसील मुख्यालय कटघोरा म आमसभा शुरू होए के पहिली दंतेवाड़ा के चोलनार म होए नक्सली घटना म शहीद छै जवान मन ल श्रद्धांजलि अर्पित करिन। ऊंखर संग आम सभा म उपस्थित कटघोरा क्षेत्र के जनतामन ह घलोक खड़े होके एक मिनट के मौन रखिन अऊ शहीद जवान मन ल श्रद्धांजलि दीन। मुख्यमंत्री ह सभा म कहिन कि नक्सली मन के कायराना हरकत ले छत्तीसगढ़ डरइया नइ हे, अइसन घटना ले विकास रुकने वाला नइ हे। मुख्यमंत्री ह कहिन कि नक्सली घटना करइया मन ल विकास अच्छा नइ लागय। ओ मन ल सड़क, पुल-पुलिया अऊ स्कूल मन के निर्माण अच्छा नइ लागय।
आप मन जानतेच होहू के आज दंतेवाड़ा जिला के चोलनार म नक्सली मन के बारूदी सुरंग विस्फोट म जिला पुलिस बल के छै जवान शहीद हो गें। ये जवान बचेली ले किरंदुल मार्ग म सड़क निर्माण कार्य के सुरक्षा म लगे रहिन। ए घटना म एक जवान गंभीर रूप ले घायल हे।

मुहाचाही:  महाराणा के संगठन कौशल सबो समाज मन बर प्रेरणादायक- डॉ. रमन सिंह