डॉ. रमन सिंह रायपुर

मुख्यमंत्री डॉ. रमन सिंह नगर माता बिन्नी बाई सोनकर स्‍कूल म

रायपुर, 19 जून 2018। मुख्यमंत्री डॉ. रमन सिंह ह आज राजधानी रायपुर के भाठागांव स्थित नगर माता बिन्नी बाई सोनकर शासकीय उच्चतर माध्यमिक विद्यालय परिसर म आयोजित समारोह म राज्य स्तरीय शाला प्रवेश उत्सव के शुभारंभ करत उहां वृक्षारोपण घलोक करिन। उमन लीम के पौधा लगाइन।

हर मनखे ल आजीवन सुरता रहिथे स्कूल के पहली दिन : डॉ. रमन सिंह

रायपुर, 19 जून 2018। मुख्यमंत्री डॉ. रमन सिंह ह आज राजधानी रायपुर के भाठागांव स्थित नगर माता बिन्नी बाई सोनकर शासकीय उच्चतर माध्यमिक विद्यालय परिसर म आयोजित समारोह म राज्य स्तरीय शाला प्रवेश उत्सव के शुभारंभ करिन। उमन प्राथमिक ले लेके हाईस्कूल कक्षा मन तक नवा प्रवेश लेवइया लइका मन के तिलक लगाके अऊ मिठई खवाके स्वागत करत ओ मन ल आशीर्वाद दीन।

प्रदेश के स्कूली लइका मन ल ‘विकास बर खेल’ योजना के सौगात
डॉ. सिंह ह समारोह म प्रदेश के सरकारी स्कूल मन के लइका मन ल विकास बर खेल (स्पोर्टस फॉर डेव्हलपमेंट) योजना के घलोक सौगात दीन। डॉ. सिंह ह फुटबॉल ल किक लगाके ए योजना के शुभारंभ करिन। ये योजना प्रदेश के सबो स्कूल मन म पूरा शिक्षा के अंतर्गत खेल सुविधा विकसित करे बर युनिसेफ के सहयोग ले संचालित करे जाही। मुख्यमंत्री ह कहिन – राज्य सरकार ह चालू वित्तीय साल 2018-19 के बजट म 30 नये कालेज खोले बर राशि के प्रावधान करे हे। एमां ले एक कालेज भाठागांव म घलोक मंजूर करे गए हे, जऊन ए साल नवा शिक्षा सत्र म एक जुलाई ले शुरू करे जाही।

जल्दी शुरू होही विसय शिक्षक मन के भर्ती
मुख्य अतिथि के आसंदी ले समारोह म मुख्यमंत्री ह कहिन – राज्य के स्कूल मन म भौतिक शास्त्र, गणित, रसायन शास्त्र, अंगरेजी आदि कई ठन विषय मन के शिक्षक बहुत संख्या म होही, एखर बर भर्ती प्रक्रिया जल्द शुरू करे जाही। उमन पंचायत अउ नगरीय निकाय संवर्ग के शिक्षक (शिक्षाकर्मि) मन के संविलियन के राज्य शासन के ऐतिहासिक निर्णय के उल्लेख करत उंखर से अऊ जादा समर्पित होके कर्तव्य निर्वहन के आव्हान करिन। डॉ. सिंह ह कहिन कि हम सब मिलके प्रदेश के लइका मन के व्यापक हित म शिक्षा के गुणवत्ता बढ़ाए बर काम करबोन।

मुहाचाही:  विधान सभा म कांग्रेस ल हकन के सुनाइस रमन

मुख्यमंत्री ह करिन कवर्धा कलेक्टर के तारीफ
मुख्यमंत्री रमन सिंह ह शाला प्रवेश उत्सव म कबीरधाम कलेक्टर श्री अवनीश शरण के प्रशंसा करत कहिन कि उमन ए साल घलोक अपन बिटिया ल सरकारी स्कूल म पढ़ई बर प्रवेश देवाए हें, जऊन समाज बर प्रेरणादायक हे।

लइका मन बर अभ्यास पुस्तिका मन के विमोचन
मुख्यमंत्री अऊ उपस्थित अतिथि मन ह ए अवसर म स्कूल शिक्षा विभाग के तरफ ले कक्षा दुसरी, तीसर अऊ चउंथी के लइका मन बर अभ्यास पुस्तिका मन के, मुस्कान पुस्तकालय योजना बर प्राप्त पुस्तक मन के अऊ सम्पर्क शिक्षक पुस्तिका के विमोचन करिन। उमन डॉ. ए.पी.जे. अब्दुल कलाम शिक्षा गुणवत्ता अभियान के तीसर साल के मानिटरिंग रिपोट के घलोक विमोचन करिन। कार्यक्रम के अध्यक्षता करत रायपुर लोकसभा क्षेत्र के सांसद श्री रमेश बैस ह कहिन कि मुख्यमंत्री डॉ. रमन सिंह के नेतृत्व म छत्तीसगढ़ सरकार ह शिक्षक पंचायत संवर्ग के बड़ दिन के मांग ल मानत ऊंखर संविलियन के आदेश जारी कर देहे हे। शिक्षक मन के अब ये जिम्मेवारी हे के वो शिक्षा के गुणवत्ता ल बढ़ात प्रदेश ल एक नंबर म ले जावंय।