डॉ. रमन सिंह

मुख्यमंत्री डॉ. रमन सिंह ह करिस स्वदेशी मेला के शुभारंभ

मेक ए इण्डिया अभियान ले स्वदेशी वस्तु मन के विश्वसनीयता बाढि़स डॉ. रमन सिंह

रायपुर, 17 फरवरी 2018। मुख्यमंत्री डॉ. रमन सिंह ह आज संझा जिला मुख्यालय राजनांदगांव के स्टेट हाई स्कूल मैदान म स्वदेशी मेला के शुभारंभ करीन। भारतीय विपणन विकास केन्द्र कोति ले राजनांदगांव जिला म पहली पइत स्वदेशी मेला के आयोजन करे तात हे, जऊन 22 फरवरी तक चलही। मुख्यमंत्री ह शुभारंभ समारोह म कहिन कि कि स्वदेशी वस्तु मन ल बढ़ावा देहे बर केन्द्र सरकार कोति ले संचालित मेक ए इण्डिया अभियान ले भारतीय उत्पाद मन के गुणवत्‍ता अऊ विश्वसनीयता बाढ़े हे। मनखे आज विदेशी माल के जघा स्वदेशी माल के खरीदी ल प्राथमिकता देवत हे। प्रधानमंत्री श्री नरेन्द्र मोदी के नेतृत्व म चलाए जात मेक ए इण्डिया अभियान के ये बड़े कामयाबी हे। मेला के आयोजन स्वदेशी जागरण फाउण्डेशन ले संबंध भारतीय विपणन विकास केन्द्र कोति ले करे गए हे। ये मेला अवइया 22 फरवरी तक चलही, जिहां रोजेच छत्‍तीसगढ़ के कला अऊ संस्कृति उपर आधारित बहुत अकन प्रकार के प्रतियोगिता अऊ सांस्कृतिक कार्यम होही। समारोह के अध्यक्षता लोकसभा सांसद श्री अभिषेक सिंह ह करिन। ए अवसर म विशेष अतिथि के रूप म महापौर श्री मधुसूदन यादव, विधायक श्रीमती सरोजिनी बंजारे, पूर्व सांसद श्री प्रदीप गांधी, स्वदेशी जागरण मंच के मुख्य न्यासी श्री राजेन्द्र दुबे उपस्थित रहिन।




मेला आयोजन समिति के संयोजक अऊ पूर्व सांसद श्री प्रदीप गांधी ह मेला आयोजन के उद्देश्य बताइस अऊ आभार प्रदर्शन सह संयोजक श्री अमलेन्दु हाजरा ह करिन। ए अवसर म राज्य अनुसूचित जाति आयोग के अध्यक्ष श्री रामजी भारती, राज्य भंडार गृह निगम के अध्यक्ष श्री नीलू शर्मा, राज्य ऊर्दू अकादमी के अध्यक्ष श्री अकरम कुरैशी, जिला सहकारी केन्द्रीय बैंक के अध्यक्ष श्री सचिन बघेल, राजगामी संपदा न्यास के पहिली अध्यक्ष श्री संतोष अग्रवाल, नगर निगम के सभापति श्री शिव वर्मा, पूर्व विधायक श्री विनोद खांडेकर, पूर्व विधायक श्री कोमल जंघेल, पूर्व जिला पंचायत अध्यक्ष श्री दिनेश गांधी, श्री सावन वर्मा, संग बड़ संख्या म स्थानीय पार्षद अऊ जनप्रतिनिधि अऊ गणमान्य नागरिक उपस्थित रहिन।



मुहाचाही:  राज्य म बालिका शिक्षा ल लेके अभूतपूर्व जागरूकता: डॉ. रमन सिंह