श्रद्धांजली

मुख्यमंत्री डॉ. रमन सिंह ह श्री एम. करूणानिधि के निधन म गहरा दुःख व्यक्त करिस

रायपुर, 07 अगस्त 2018। छत्तीसगढ़ के मुख्यमंत्री डॉ. रमन सिंह ह तमिलनाडु के पहिली मुख्यमंत्री श्री एम. करूणानिधि के निधन म गहरा दुःख व्यक्त करत ओ मन ल विनम्र श्रद्धांजलि देहे हें। डॉ. रमन सिंह ह आज रात रायपुर म जारी शोक संदेश म कहिन के श्री करूणानिधि ह साल 1969 ले 2011 के बीच करीबन चार दशक म पांच पइत अलग-अलग बेरा म तमिलनाडु के कुशल नेतृत्व करिन अऊ उहां के जनता के बेहतरी अउ अपन राज्य के विकास म महत्वपूर्ण योगदान दीन। डॉ. रमन सिंह ह कहिन -श्री करूणानिधि देश के जुन्ना पीढ़ी के बहुत सम्मानित राजनेता रहिन। डॉ. सिंह ह स्वर्गीय श्री करूणानिधि के शोक संतप्त कुटुंब के प्रति संवेदना प्रकट करिन अऊ दिवंगत आत्मा के शांति बर ईश्वर ले प्रार्थना करे हें। डॉ. रमन सिंह ह श्री करूणानिधि के निधन के खबर मिलतेच तुरंते ट्वीट करके अपन संवेदना प्रकट करिन। उमन ट्विटर म लिखिन -श्री करूणानिधि तमिलनाडु और भारत के महान नेताओं में से थे।

मुहाचाही:  मुख्यमंत्री ह डॉ. रामचंद्र सिंहदेव के निधन म गहरा दुःख व्यक्त करिन