डॉ. रमन सिंह

मुख्यमंत्री ले छत्तीसगढ़ आंगनबाड़ी कार्यकर्ता-सहायिका संघ के प्रतिनिधि मंडल करिस मुलाकात

रायपुर, 12 फरवरी 2018। मुख्यमंत्री डॉ. रमन सिंह ले आज इहां विधानसभा परिसर स्थित ऊंखर कक्ष म महिला बाल विकास मंत्री श्रीमती रमशीला साहू अऊ छत्तीसगढ़ राज्य महिला आयोग के अध्यक्ष श्रीमती हर्षिता पाण्डेय के नेतृत्व म छत्तीसगढ़ आंगनबाड़ी कार्यकर्ता-सहायिका संघ के प्रतिनिधि मंडल ह सौजन्य मुलाकात करिन। उमन साल 2018-19 के बजट म आंगनबाड़ी कार्यकर्ता मन अऊ सहायिका मन के मानदेय म वृद्धि अऊ आंगनबाड़ी कार्यकर्ता मन ल सेवा पूरा होए म 50 हजार रूपिया अऊ आंगनबाड़ी सहायिका मन ल 25 हजार रूपिया के राशि एकमुश्त देहे के घोषणा बर मुख्यमंत्री के प्रति आभार प्रकट करिन।



आप मन ल बता देवन कि ए साल के बजट म आंगनबाड़ी कार्यकर्ता मन के मानदेय म एक हजार रूपिया अऊ आंगनबाड़ी सहायिका मन के मानदेय म 500 रूपिया के वृद्धि के घोषणा करे गए हे। आंगनबाड़ी कार्यकर्ता मन के मानदेय अब चार हजार ले बढ़ाके पांच हजार रूपिया अऊ आंगनबाड़ी सहायिका मन के मानदेय दू हजार रूपिया ले बढ़के ढाई हजार रूपिया अऊ मिनी आंगनबाड़ी कार्यकर्ता मन के मानदेय दू हजार दू सौ पचास रूपिया ले बढ़ाके दो हजार सात सौ पचास रूपिया करे गए हे। एखर से प्रदेश म करीबन एक लाख ले जादा आंगनबाड़ी कार्यकर्ता अऊ सहायिका मन ल लाभ मिलही। ए अवसर म छत्तीसगढ़ आंगनबाड़ी कार्यकर्ता-सहायिका संघ के प्रतिनिधि मंडल म संघ के प्रांताध्यक्ष श्रीमती सरिता पाठक संग श्री संगीता खड़से, श्रीमती सुनीता सिंह, श्रीमती किरण विश्वास, श्रीमती ममता यादव, श्रीमती रानू सोनी, श्रीमती जानकी शर्मा, श्रीमती सुनिता मांझी, श्रीमती बबीता गुप्ता, द्रौपती साहू, अनिता नायक, अऊ श्रीमती कविता शर्मा संग बहुत अकन आंगनबाड़ी कार्यकर्ता अऊ सहायिकाएं सामिल रहिन।


मुहाचाही:  मुख्यमंत्री ह पुसल्दा समाधान शिविर म दीन करीबन 14 करोड़ रूपिया के विकास काम मन के सौगात