डॉ. रमन सिंह

मुख्यमंत्री ले लिथुआनिया के गुरुमाता करिस मुलाकात

रायपुर, 07 फरवरी 2018। मुख्यमंत्री डॉ. रमन सिंह ले आज इहां ऊंखर निवास म लिथुआनिया के गुरुमाता इनिजा ट्रिंकुनेइने ह सौजन्य मुलाकात करिस। डॉ सिंह ह इनिजा के आत्मीय स्वागत करिस। इनिजा उहां के रोमवा जनजाति के गुरुमाता आए, ओ ह छत्तीसगढ़ संग भारत के संस्कृति, इहां के आदिवासी संस्कृति ल देखे समझे हजारों मील दूर यूरोपीय महाद्वीप के लिथुएनिया देश ले भारत आए हे।



उमन मुख्यमंत्री ल भारत अऊ लिथुयानिया के बीच हजारों साल जुन्ना सांस्कृतिक संबंध के जानकारी दीस। मुख्यमंत्री ह ओ मन ल छत्तीसगढ़ के समृद्ध अऊ गौरवशाली आदिवासी संस्कृति के बारे म विस्तार ले जानकारी दीन। इनिजा ह डॉ. सिंह ल बताइस कि भारत अऊ लिथुयानिया के बीच हजारों साल जुन्ना सांस्कृतिक सम्बन्ध रहे हे। लिथुआनिया के संस्कृति अऊ भारत के वैदिक संस्कृति म अड़बड़ समानता हे। उहां के भाखा देवभाषा संस्कृति के अड़बड़ तीर हे। भारत के जइसे उहां घलव सुरुज, अग्नि, इंद्र, पृथ्वी, नागदेवता के पूजा करे जाथे, बिहाव म आगी के फेरा लगाये जाथे।



उमन मुख्यमंत्री ल लिथुआनिया आए के नेंवता देवत कहिन कि ओ मन भारत ल अपन पूर्वजों के भुंइया मानथें। उमन भरोसा जताईन कि आवइया बछर म भारत अऊ लिथुएनिया के हजारों साल जुन्ना सांस्कृतिक सम्बन्ध अऊ जादा मजबूत होही। इनिजा ह नवा रायपुर के पुरखौती मुक्तांगन घलव घूमिस। मुख्यमंत्री ह ओ मन ल स्मृति चिन्ह भेंट करिस।

मुहाचाही:  मुख्यमंत्री डॉ. सिंह ह सुकुलइदहान म बुनकर मन के काम के करिन प्रशंसा