अभिषेक सिंह डॉ. रमन सिंह

मुख्यमंत्री सामिल होइस होली मिलन समारोह मं : आम जनता के संग मनाइस रंग के तिहार

रायपुर, 3 मार्च 2018। मुख्यमंत्री डॉ. रमन सिंह ह आम जनता के संग अपन गृहनगर कवर्धा म रंग पर्व होली के तिहार मनाइन। उमन सबो मनखे मन ल होली के बधाई अऊ शुभकामना दीन। मुख्यमंत्री ल घलोक नागरिक मन ह रंग के ए महापर्व के बधाई दीन। ओ मन ल बधाई दे बर जनसैलाब उमड़त रहिस।
कई ठन सामाजिक-सांस्कृतिक अऊ शैक्षणिक संगठन मन कोति ले होली मिलन समारोह कवर्धा के गांधी मैदान म आयोजित करे गीस, जिहां मुख्यमंत्री डॉ. रमन सिंह, लोकसभा सांसद श्री अभिषेक सिंह, संसदीय सचिव अऊ पण्डरिया के विधायक श्री मोतीराम चंद्रवंशी, कवर्धा के विधायक श्री अशोक साहू, राज्य पिछड़ा वर्ग आयोग के अध्यक्ष डॉ. सियाराम साहू, अध्यक्ष जिला पंचायत श्री संतोष पटेल अऊ अध्यक्ष नगरपालिका परिषद श्रीमती देवकुमारी चंद्रवंशी संग बड़ संख्या म कई ठन संस्था मन के पदाधिकारी अऊ प्रतिनिधि घलोक उपस्थित रहिन।
मुख्यमंत्री के निवास म घलोक बड़ संख्या म मनखे मन ह ओ मन ल होली के बधाई दीन। कलेक्टर श्री नीरज बंसोड़ संग कई प्रशासनिक अधिकारी मन ह उंखर से सौजन्य मुलाकात करके रंग के ए महापर्व के शुभकामना दीन। डॉ. सिंह अऊ लोकसभा सांसद श्री अभिषेक सिंह कवर्धा म समाजसेवी संकल्प ग्रुप कोति ले बिलासपुर मार्ग म एक राईस मिल परिसर म आयोजित होली मिलन समारोह म घलोक सामिल होइन। उमन यूथ क्लब कोति ले आयोजित होली मिलन समारोह म हिस्सा लीन।



मुहाचाही:  मुख्यमंत्री ले लिथुआनिया के गुरुमाता करिस मुलाकात