कांकेर डॉ. रमन सिंह विकास यात्रा

मुख्यमंत्री ह अंतागढ़ म साढ़े सात हजार ले जादा परिवार मन बांटिन आबादी पट्टा

दस हजार ले जादा हितग्राही मन ल मिलीस सामान अऊ सहायता राशि

कांकेर, 23 मई 2018। मुख्यमंत्री डॉ. रमन सिंह आज प्रदेशव्यापी विकास यात्रा के समय कांकेर जिला के अंतागढ़ आयोजित आम सभा म 10 हजार 671 हितग्राही मन ल शासन के कई ठन योजना मन के अंतर्गत करीबन 77 लाख रूपिया के सामान अऊ सहायता राशि के चेक बांटिन। डॉ. सिंह ह अंतागढ़ म मुख्यमंत्री कन्या विवाह योजना के अंतर्गत दाम्पत्य सूत्र म बंधे 247 नवविवाहित जोड़ा मन ल आशीर्वाद दीन अऊ ऊंखर सुखमय जीवन के कामना करिन। उमन कार्यक्रम म 7871 परिवार ल आबादी पट्टा अऊ 185 वन अधिकार पट्टा, श्रमवीर मन ल 1100 सायकल, 344 औजार किट अउ 32 सिलाई मशीन, प्रधानमंत्री उज्ज्वला योजना के तहत गरीब परिवार के 100 महिला मन ल रसोई गैस कनेक्शन, 590 किसान मन ल बीज मिनी किट, 90 किसान ल उड़ावनी पंखा, वन विभाग कोति ले 319 सायकल अऊ 30 मिनी राईस मिल के वितरण करे गीस।

पूरा समाचार छत्‍तीसगढ़ संवाद के वेबसाईट म हिन्‍दी म इंहा हावय।

मुहाचाही:  मुख्यमंत्री ह छत्तीसगढ़ वन विकास निगम के मुख्यालय भवन के करिस लोकार्पण