खेल डॉ. रमन सिंह

मुख्यमंत्री ह करिस ‘छत्तीसगढ़ टी 20 लीग’ क्रिकेट चैम्पियनशिप के ट्रॉफी के अनावरण

रायपुर, 04 मार्च 2018। मुख्यमंत्री डॉ. रमन सिंह ह आज संझा इहां अपन निवास कार्यालय म ‘छत्तीसगढ़ टी 20 लीग’ क्रिकेट चैम्पियनशिप-2018 के ट्रॉफी के अनावरण करिस। आयोजन समिति के प्रतिनिधि मण्डल ह सौजन्य मुलाकात के बेरा म मुख्यमंत्री ल बताइन कि ए चैम्पियनशिप के आयोजन नया रायपुर के ग्राम परसदा स्थित शहीद वीर नारायण सिंह अंतर्राष्ट्रीय क्रिकेट स्टेडियम म पावर स्पोटर्स प्लस फाउण्डेशन अऊ सार्थक ग्रुप के सहयोग ले 13 मार्च ले 27 मार्च तक करे जाही। प्रतियोगिता म छत्तीसगढ़ के सात टीम मन हिस्सा लेंहीं। चैम्पियनशिप के सीधा प्रसारण डीडी स्पोर्टस चैनल म करे जाही।




मुख्यमंत्री ह आयोजन के सफलता बर शुभकामना दीन। उमन उम्मीद जताईन कि ए चैम्पियनशिप के माध्यम ले प्रदेश के प्रतिभाशाली खिलाड़ी मन ल अपन खेल कौशल के प्रदर्शन करे के अच्छा मंच मिलही। आयोजक मन ह मुख्यमंत्री ल ये घलोक बताइन कि चैम्पियनशिप के विजेता ल 15 लाख रुपिया, उप विजेता ल 10 लाख रुपिया अऊ तीसर स्थान म अवइया टीम ल पांच लाख रुपिया के पुरस्कार दे जाही। ए अवसर म भारतीय ओलंपिक संघ के संयुक्त सचिव श्री विक्रम सिंह सिसोदिया, चैम्पियनशिप आयोजन समिति के संरक्षक द्वय डॉ. हिमांशु द्विवेदी अऊ श्री गजराज पगारिया, फाउण्डेशन के अध्यक्ष श्री तरुण मरवाह, सचिव श्री राजीव सोनी, छत्तीसगढ़ के पहिली आईपीएल क्रिकेट खिलाड़ी श्री शुभम अग्रवाल, कूच बिहार ट्राफी म सबले जादा रन बनवइया खिलाड़ी श्री सानिध्य हुरकत अऊ एडव्होकेट वर्ल्ड कप के फाइनल मैच म शतक बनइया खिलाड़ी श्री वजाहत रिजवी संग आयोजन समिति के बहुत अकन पदाधिकारी अऊ सदस्य उपस्थित रहिन।



मुहाचाही:  भारी बारिश के बीच मुख्यमंत्री ल देखे-सुने उमडि़स जनसैलाब