डॉ. रमन सिंह

मुख्यमंत्री ह छत्तीसगढ़ वन विकास निगम के मुख्यालय भवन के करिस लोकार्पण

रायपुर, 25 मई 2018। मुख्यमंत्री डॉ. रमन सिंह ह आज संझा नवा रायपुर के सेक्टर 24 म बने ब्लॉक – 7 भवन अउ ए भवन म छत्तीसगढ़ वन विकास निगम के मुख्यालय के लोकार्पण करिन। उमन समारोह ल सम्बोधित करत कहिन के छत्तीसगढ़ वन विकास निगम राज्य म हरियाली के प्रसार के संगेच औद्योगिक क्षेत्र मन के तीर-तखार म वृक्षारोपण अऊ जंगल मन के विकास के एक बड़का दायित्व के निर्वहन करत हे। ए सर्व सुविधायुक्त मुख्यालय ले इहां के कर्मचारी मन अऊ अधिकारी मन ल बेहतर ढंग से काम-काज के अवसर मिलही अउ ये निगम अऊ जादा क्षमता ले काम करही।
हम आप मन ल बता देवन के सेक्टर 24 म नवा रायपुर विकास प्राधिकरण कोति ले ब्लॉक कोति ले करीबन 50 करोड़ रूपिया के लागत ले निर्मित करे गए हे। भवन म लिफ्ट, चौबीस घंटा बिजली संग कई ठन सुविधा हवय। रायपुर के लोकसभा सांसद श्री रमेश बैस, पूर्व विधानसभा अध्यक्ष श्री धरमलाल कौशिक, छत्तीसगढ़ वन विकास निगम के अध्यक्ष श्री श्रीनिवास राव मद्दी, छत्तीसगढ़ राज्य वनौषधि पादप बोर्ड के अध्यक्ष श्री रामप्रताप सिंह, छत्तीसगढ़ राज्य सन्निर्माण अउ कर्मकार कल्याण मंडल के अध्यक्ष श्री मोहन एंटी, विधायक श्री नवीन मारकण्डेय, अपर मुख्य सचिव श्री से.के. खेतान, नवा रायपुर विकास प्राधिकरण के मुख्य कार्यपालन अधिकारी श्री मुकेश बंसल संग बहुत अकन प्रशासनिक अधिकारी उपस्थित रहिन।

मुहाचाही:  प्रधानमंत्री ह वयोवृद्ध महिला रतनीबाई ल चरण पादुका पहिनाके लीन आर्शीवाद