डॉ. रमन सिंह नारायणपुर विकास यात्रा

मुख्यमंत्री ह पांच महिना के नीलेश ल गोदी म उठाके दुलारिन अउ उज्जवल भविष्य बर दीन असीस

रायपुर, 14 मई 2018/ मुख्यमंत्री डॉ. रमन सिंह आज जिला मुख्यालय नारायणपुर म जब मंच कोति जात रहिन, तब दर्शक ओसारी म बइठे श्रीमती कलावती के गोदी म ओ मन ल पांच महिना के नान्हे लइका हंसत खेलत दिखिस। लइका ल देखके ऊंखर मन म प्यार उमड़ीस। मुख्यमंत्री ह लइका के मां ले लइका ल अपन गोदी म लेके बड़ मया के संग दुलारिन। मुख्यमंत्री के ए मया भरे व्यवहार ल देखके श्रीमती कलावती अचंभित अऊ हर्षित हो गीस। मुख्यमंत्री ह उंखर मेर लइका के नाम अऊ उमर पूछीन, लइका के मां ह बताइस कि लइका के नाम नीलेश हे अऊ वो पांच महिना के हे। डॉ. सिंह ह लइका ल अपन स्नेह अऊ आशीर्वाद दीन। मुख्यमंत्री दर्शक ओसारी म बइठे गांव वाले मन ले आत्मीयता के संग हाथ मिलात मंच कोति आगू बढ़ गइन। श्रीमती कलावती ग्राम पंचायत धौड़ाई के आश्रित ग्राम मरसकोल (बोथा) के रहइया हे।

मुहाचाही:  बस्तर म विकास के नवा कहानी लिखही नगरनार स्टील प्लांट - डॉ. रमन सिंह